ҚМДБ ТӨРАҒАСЫ ҚАЖЫЛЫҚҚА ШЫҒАРЫП САЛУ РӘСІМІНЕ ҚАТЫСТЫ
17-нен 18-не қараған түнде Алматы әуежайында қасиетті мекенге қажылыққа шығарып салу рәсімі өтті. Оған ҚМДБ Төрағасы, Бас мүфти Наурызбай қажы Тағанұлы қатысты.
Қасиетті Құран аяттарын оқумен басталып, жалғасын тапқан шарада Бас мүфти Наурызбай қажы Тағанұлы қажыларға сәт-сапар тіледі. Қажылық сапарына шығарып салу рәсіміне Сауд Арабиясы Корольдігінің Қазақстандағы елшісі Файсал әл-Кахтани мырза қатысып, ұлы сапарды амандық пен саулықта атқарып елге оралуына тілектестік білдірді.
«Алланың қалауымен, Хақ Тағаланың шақыртуымен қасиетті Қағбатуллаға қажылыққа аттанып барасыздар. Алла сапарларыңызды мүбарак етсін! Ардақты Пайғамбарымыз (оған Алланың салауаты мен сәлемі болсын): «Жаман сөз сөйлемей, күнәлі әрі орынсыз ешнәрсе жасамай, Аллаға қажылық жасаған адам анасынан жаңа туғандай (күнәсіз) оралады» деген. Ендеше осы ұлы сапарда Алла Тағала барша отандастырымызға Өзінің жеңілдігін беріп, аман-есен елге оралуын, көркем құлшылық жасауды нәсіп етсін!» деді Наурызбай қажы Тағанұлы.
Сондай-ақ қажылыққа шығарып салу рәсіміне ҚМДБ наиб мүфти Кенжеәлі Мырзабаев, Алматы қаласының бас имамы Төлеби Дәділұлы бастаған бірқатар қала имамдары, Алматы қаласындағы дін істері басқарма басшысы Нұрлан Қиқымов және мен қажылық компания өкілдері қатысты.
БАҚ өкілдеріне сұхбат берген ҚМДБ Төрағасы Наурызбай қажы Тағанұлы: «Мұсылман баласының бәрінен бұрын ниеті маңызды. Қажылық жасаушы әуелі ниетін түзеуі тиіс. Құлшылыққа дүниелік мақсат пен пенделік ойдың араласып кетпеуіне аса мән беру қажет»,- дей келе ұлы сапар кезінде басты мән берер жайттарға тоқталды.
Айта кетейік, биыл елімізден 4000 адам қажылық парызын өтейді. Отандастарымызға 18 қажылық компаниясы қызмет көрсетеді. ҚМДБ жанынан құрылған Қажылық миссиясы ұйымдастыру-үйлестіру, алғашқы медициналық көмек, уағыз-насихат, пәтуа беру, ақпарат тарату жұмыстарымен айналысады. Қазірде бір бөлігі Мадина қаласына жетсе, бүгін Алматы әуежайынан 500-ге жуық адам қажылық парызын өтеуге аттанды. Алдағы күндері басқа қалалардан да ұлы сапарға шығарып салынбақ.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
