ҚАРИ ШӘКІРТТЕРГЕ АРНАЛҒАН ТӘРБИЕ САҒАТЫ ӨТТІ
Алматы Орталық мешітінде қаланың бас имамы Төлеби Дәділұлының қатысуымен «Діни қызмет: жауапкершілік, адалдық және рухани кемелдік» тақырыбында қарилар дайындау орталығының шәкірттеріне арналған тәрбие сағаты өтті.
Өкілдіктің жылдық жоспары негізінде ұйымдастырылған іс-шараға қаладағы «Көктөбе» және «Арафат» құран жаттау орталығының шәкірттері мен мешіттер жанындағы қайырымдылық мекемелерінде құран іліміне ден қойған болашақ қарилар қатысты. Шәкірттерге Құран жаттау екі дүние жақсылығына бөлейтін үлкен сауапты іс екенін айтып, бұл істе табандылық пен ыждаһаттылық танытуға шақырды. Құран жаттаған шәкірт білімде де озат болып, еліміздің игілігіне қызмет етуін насихаттады. Білім жолында қажымас қайрат қажеттілігін айтты бас имам.
«Арафат» қайырымдылық мекемесінде, «Көктөбе» қарилар дайындау орталығында, сондай-ақ «Ынтымақ» мешітінде құран жаттап аяқтаған бірқатар шәкірттерге сертификаттар табысталды.
Ел амандығы мен тыныштығы үшін бата жасалды.
Алматы өкілдігі бойынша баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
