МЕШІТ ЖАСТАРЫ ТЕҢБІЛ ДОП АЛАҢЫНДА КЕЗДЕСТІ
Нұр-Мүбарак мешітінің ұйымдастыруымен жастар арасында футбол ойындары өтті. Бұл спорттық шара мақсаты - жамағаттың бір-бірімен бауырластығын нығайтып, денсаулықты насихаттау бағытындағы басқосу.
Мешіт шәкірттерді тек мінберден айтылған уағызбен емес, іспен де тәрбиелеп келеді. Себебі Ислам — руханият пен белсенді өмір салтын қатар ұстануға үндейтін дін. Дәрістен кейін жастардың бірге футбол алаңына шығып, серігіп қайтуы — соның бір көрінісі.
Осындай сәттерде мешіт тек құлшылық орны болып қана қоймай, жастардың басын қосатын, пайдалы орта қалыптастыратын рухани мекенге айналады. Алаңдағы әр ойын достықты арттырып, ынтымақты күшейтеді. Бірі доп қуып жүріп танысса, бірі сол орта арқылы мешітке жақындай түседі.
Рухани тәрбие мен салауатты өмір салтын ұштастырған мұндай шаралар жастарға ерекше мотивация береді. Себебі кейде бір футбол ойыны да адамның жүрегіне жол тауып, оны жақсы ортаға жетелеуі мүмкін.
Тақырып бойынша жаңалықтар
Қызықты тақырыптар
Намаз уақыттары 
.jpg)
