«ОТБАСЫЛЫҚ ТӘРБИЕ ЖӘНЕ АДАЛ ҚОҒАМ» ТАҚЫРЫБЫНДА СЕМИНАР ӨТТІ
Алматы қаласының бас имамы Төлеби Оспан Әуезов ауданы Ақсай мешітінде «Отбасылық тәрбие және адал қоғам» тақырыбында семинарға қатысты.
Мүфтият бекіткен жылдық жоспар негізінде ұйымдастырылған іс-шара қазақ қоғамындағы отбасы құндылықтарын нығайтып, ұрпақ тәрбиесіндегі ата-ананың рөлі мен жауапкершілігін насихаттауға арналды. Семинарды Төлеби қажы Дәділұлы ашып, отбасының тірегі болған әкенің рөлі, міндеті және бала тәрбиесіндегі жауапкершілігі жайында әсерлі насихат айтты.
Келелі кездесуде Нұр-Мүбәрак Египет ислам мәдениеті университетінің оқытушысы Кершеев Жомарт сүбелі ойларымен бөлісіп, қоғамдағы рухани тәрбие мен адалдық қағидалары төңірегінде мазмұнды дәріс оқыды. Сондай-ақ Алматы Орталық мешіті ұстазы Гүлмира Сүлейменова аналардың отбасыдағы орны, міндеті және ұрпақ тәрбиесіндегі ерекше маңызы жайында тағылымды насихат айтты.
Жиынға қатысқан жамағат рухани әсер алып, отбасы құндылықтарын дәріптеуге бағытталған мұндай игі шаралардың қоғам үшін маңызы зор екенін жеткізді.
Тақырып бойынша жаңалықтар
Қызықты тақырыптар
Намаз уақыттары 
