«ОТБАСЫ - ҰЛТ ТІРЕГІ» РЕСПУБЛИКАЛЫҚ КОНФЕРЕНЦИЯСЫ ӨТТІ
ҚМДБ «Әйел-қыздар» секторы Алматы қаласы бойынша өкілдігінің ұйымдастыруымен «Отбасы - ұлт тірегі» атты әйел-қыздарға арналған республикалық танымдық конференциясы өткізілді.
Конференция ашылуында Алматы қаласының бас имамы Төлеби Дәділұлы сөз сөйлеп, ұлт тәрбиешілері әйел қауымына ақжарма игі тілегін арнады. Республикалық танымдық конференцияға ҚМДБ «Әйел-қыздар» секторының меңгерушісі Динара Құтқожа және өңірлердегі ҚМДБ-ның «Әйел-қыздар» секторы бойынша жауапты мамандары мен Алматы қаласы бойынша әйел ұстаздар қатысты. ҚМДБ «Әйел-қыздар» секторының меңгерушісі Динара Құтқожа «Дініміздегі отбасы құндылығы» тақырыбында баяндама жасады. Республикалық Бас мешіт ұстазы Қарлығаш Мәлікқызы мен Алматы қаласы бойынша «Әйел-қыздар» секторының жауапты маманы Гүлмира Ілесбайқызы және тағы басқа ұстаздар отбасы тақырыбында баяндамалар оқып, сұрақ-жауаптар алмасты. Ұлттық құндылықтарды қалыптастырудың және сол құндылықты тәрбие арқылы тасымалдаудың қайнар бұлағы болатын - отбасы, бүгіннің басты әрі маңызды тақырып екені айтылды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
