«БІЛІМ-ҚАЗЫНА» ҚОРЫНА БІР ПӘТЕР СЫЙҒА ТАРТЫЛДЫ
Бүгін Нұр-Мүбарак университетінің ректоры, профессор Мұхаммад аш-Шаххат әл-Жинди Болатбек Құндақбаев, Бақытхан Аблазимов бастаған бір топ азаматтарды қабылдады.
«Білім-Қазына» қорының ұйымдастыруымен болған келелі кездесудің негізгі мақсаты Нұр-Мүбарак университетіне қолдау көрсету. Ақсақалдар ректор Мұхаммад аш-Шаххат мырзаға ислам ғылымының дамуына ат салысып жатқан ғалымдар үшін алғыс айтып, қазақы дәстүрмен иығына шапан жапты. Сондай-ақ Каир қаласындағы күрделі жөндеуден кейін жаңадан ашылған «әз-Заһир Бейбарыс» мешітінің қайта ашылуы жайлы сөз қозғап, өзара құттықтау білдірді.
Қайырымдылық көрсетуші «Магистраль-S» жауапкершілігі шектелулі серіктестігінің атқарушы директоры Алдашев Хасен Серікбайұлы «AISAFI» тұрғын үй кешенінен бір пәтерді сыйға тартты. Өз кезегінде «Білім-Қазына» қоғамдық қорының президенті Сейдмұхаммед Абдунаим қор атынан ризалығын білдіріп, алғыс айтты.
Ректор, профессор Мұхаммад аш-Шаххат: «Ғылымның ұрпақ тәрбиесінде орны бөлек. Мысыр елінің өзге мемлекеттерді емес, Орта Азиядағы Қазақстанды таңдауы қазақ халқына деген зор құрметі. Бұл байланыс мәңгілікке жалғасады деген сенімдемін», - деп қайырымды қонақтарға кітаптарын сыйға тартты.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
