«ҰЛТТЫ ОЯТҚАН ҰЛЫЛАР» АЛАШ АРЫСТАРЫНА АРНАЛҒАН СЕМИНАР ӨТТІ
Бүгін ҚР Ұлттық кітапханасының «Дін мен дәстүр» залында Алматы Орталық мешітінің ұйымдастыруымен «Ұлтты оятқан ұлылар» Алаш арыстарының тұлғалық ерекшеліктерін таныту семинары өткізілді.
Семинарға белгілі режиссер, сценарист Халықаралық «Болашақ» степендиясының иегері, Сан-Франциско Өнер академиясының түлегі Мұрат Есжан қатысты. Сондай-ақ «Таугүл» мешітінің бас имамы Ернар Мәжен қатысып, Алаш арыстары жайлы сөз қозғалды. Бүгінде «Міржақып. Оян, қазақ!», «Ахмет. Ұлт ұстазы», «Абай жолы» тарихи сериалдарының қоюшы режиссері ретінде танымал Мұрат Есжан Алаш зиялыларының ұлт үшін жасаған ұлы істерін тереңнен түсіндірді. Семинарға аудан бойынша дін мен дәстүрге жауапты мамандар мен мешіт жамағаты мен қаладағы жоғары оқу орындарының студенттері қатысты.
«Алаш» қозғалысының негізгі қозғаушы күштерінің бірі болған, күллі өмірі күреспен өткен нағыз қайраткер, үлгі тұтар ұлылар өмірінен мағлұмат жастар үшін пайдалы болатыны сөзсіз», - деп атап өтті ұйымдастырушы Алматы Орталық мешіті «Дін мен дәстүр» бойынша жауапты маманы Қуаныш Тоқсанбайұлы. Маңызды тақырып қозғалған семинар қонақтарына алғыс айтылды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
