ДІНИ РӘСІМДЕРДІ ТҮСІНДІРУ СЕМИНАРЫ ӨТТІ
ҚМДБ Алматы өкілдігінің ұйымдастыруымен қала мешіттерінде діни рәсімдерді түсіндіріу мақсатында имамдарға түсіндіру семинарлары тұрақты жүргізілуде.
Кезекті семинар барысы Түрксіб ауданы Абдолла мешітінде діни қызметкерлерге «Жерлеу рәсімдерін бірізділікке түсіру», «Жаназа істері», «Ас беру кезіндегі дәстүр», тағы сол сияқты діни рәсімдерді жүйелеу тақырыбында семинар өткізілді. Алматы қаласы бойынша «Қамқор-шарапат» салттық қызмет көрсету орталығының директоры Сапанов Талғат аталмыш бағыттағы жұмыс жоспарымен таныстырып, жерлеу рәсімінде діни қызметкер тарапынан атқарылатын діни рәсімдерден бастап мәйіт көмілген соң қабірге қойылатын құлпытастың шариғат шарттары бойынша қандай болу керектігіне тоқталып, егжей-тегжейлі баяндап түсіндірді. Атап айтқанда мәйітті уақытша сақтау, Мұсылманша Кебіндеу, Катафалка көлік қызметтері Орталық мешітте ашылып, жүйелі жұмыс атқаруда екенін жеткізді. Семинарға ауданның бас имамы Ержан Үсенханұлы бастаған дін қызметкерлері қатысты.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
