«БӘЙКЕН» МЕШІТІНІҢ 10 ЖЫЛДЫҒЫНА ОРАЙ ҚАЙЫРЫМДЫЛЫҚ ШАРАСЫ ӨТТІ
ҚМДБ Алматы қаласы Бостандық ауданы «Бәйкен» мешітінің 10 жылдығына орай қайырымдылық іс-шарасы ұйымдастырылды.
Шараға Алматы қаласының бас имамы Төлеби Оспан, «Бәйкен» мешітінің бас имамы Болатбек Ұласқанұлы, Бостандық ауданы ардагерлер кеңесінің төрағасы Жаңгелді ақсақал қатысты.
Алматы қаласының бас имамы Төлеби Оспан мешітке келген жамағатты Тәуелсіздік мерекесімен құттықтап, Бас мүфти Наурызбай қажы Тағанұлының ыстық ықыласын жеткізді. «Алла Тағаланың халқымызға берген теңдессіз сыйы – тәуелсіздік күні мерекесі, мерейлі мерекеміз құтты болсын. Отбасыларыңызға бақ пен береке, бірлік пен татулық тілеймін. Халқымызда «Егеменді ел көрікті, бетегелі бел көрікті» деген нақыл сөз бар. Осынау ұлық мереке қарсаңында «Бәйкен» мешітінің 10 жылдығына орай ұйымдастырылған қайырымдылық шарасы ел бірлігі мен тұтастығын нығайтуға, бір отбасына қуаныш сыйлауға негізделіп отыр. Алла Тағала еліміздің өркендеуі мен жеріміздің көркеюі жолында ауызбіршілік танытуда баршамызға табандылық пен тұрақтылық нәсіп еткей», - деді шаһардың бас имамы.
Алматы қаласы өкілдігі «Бәйкен» мешітінің ұйымдастыруымен өткен қайырымдылық шарасында мешітке өтініш қалдырған, көп балалы аналарға, науқас, зағип жандарға және көмекке мұқтаж 500 отбасыға 10.000.000 теңгенің азық-түліктері көмек ретінде үлестірілді. Қайырымдылық көмек алған жандар дін қызметкерлеріне алғыстарын жеткізді.
Алматы өкілдігі бойынша баспасөз қызметі
Новости по теме
Интересные материалы
Время намаза 
