«БӘЙКЕН» МЕШІТІНЕ БАС ИМАМ ТАҒАЙЫНДАЛДЫ
Бүгін Алматы қаласының бас имамы Төлеби Оспан Бостандық ауданы «Бәйкен» мешітінде жұма уағызын жүргізіп, жамағатпен жұма намазын оқыды.
Жамағатқа Бас мүфти Наурызбай қажы Тағанұлының қасиетті Рамазан айымен құттықтауын жеткізіп, «Рамазан - кешірім айы» тақырыбында уағыз айтты. «Рамазан айы жыл ішіндегі ең абзал, ең қадірлі ай екені сөзсіз. Оның артықшылықтары көптеген хадистер мен ғалымдар сөзіне, сонымен бірге небір өлең шумақтары мен түрлі кітаптарға арқау болған. Алайда бұл айдың артықшылықтары жайлы айтылған сөздердің ішіндегі ең көркемі – Алла Тағаланың Құрандағы мақтауы», - деп атап өтті бас имам.
«Бәйкен» мешітінің бас имамы қызметін атқарған Болатбек Ұласқанұлы Атырау облысының бас имамы қызметіне ауысқан болатын. Осыған орай ҚМДБ Төрағасы Бас мүфти Наурызбай қажы Тағанұлының бұйрығымен Бостандық аудандық «Бәйкен» мешітіне жаңадан тағайындалған Маханбет Құлмұхаммед қажы Пірманұлын жамағатқа таныстырды.
Маханбет Құлмұхаммед қажы Пірманұлы ү.ж. 26 ақпанынан бастап, Алматы қаласындағы «Әбу Ханифа» медресе колледжінің директоры қызметін сақтай отырып, Алматы қаласы, Бостандық аудандық «Байкен» мешітінің бас имамы қызметіне тағайындалды.
Қ.Маханбет 1992-1994 ж.ж. «Ислам» институтын тамамдаған. 2007-2009 ж.ж. «Нұр Мүбарак» Египет ислам мәдениеті университетінің «Исламтану» мамандығын бітірген. 2012-2014 ж.ж. «Нұр Мүбарак» Египет ислам мәдениеті университетінің «Исламтану» мамандығы бойынша үздік магистрі.
Ол 1994-2000 ж.ж. Павлодар облысы, Екібастұз қалалық мешітінің Бас имамы болған. 2000-2013 ж.ж. Алматы қаласының Бас имамы, 2014-2019 ж.ж. Алматы қаласы «Байкен» мешітінің Бас имамы қызметін атқарды. 2009 жылдан бастап, «Әбу Ханифа» медресе колледжінің директоры болып қызмет атқарып келеді.
Мешіт жамағаты мен ақсақалдар жаңадан тағайындалған бас имам Құлмұхаммед қажы Пірманұлына сәттілік тілеп, батасын берді.
Алматы өкілдігі бойынша баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
