ТӘУЕЛСІЗДІК КҮНІНДЕ ЖҰМЫСШЫ МАМАНДАРҒА ӘЛЕУМЕТТІК КӨМЕК КӨРСЕТІЛДІ
Алматы қаласы Түрксіб ауданындағы «Фирали Ферғанұлы» мешітінде Тәуелсіздік күніне орай қайырымдылық іс-шарасы ұйымдастырылды.
Аталған іс-шара аясында аудандағы коммуналдық салада еңбек етіп жүрген 50 қызметкерге азық-түлік себеттері табысталып, әлеуметтік қолдау көрсетілді. Игі шараның мақсаты – қоғам игілігі жолында қызмет етіп жүрген жұмысшы еңбек адамдарына құрмет білдіру және мереке қарсаңында қуаныш сыйлау. Шара барысында ауданның бас имамы Ержан Үсенханұлы жиналған жұртшылықты Тәуелсіздік күнімен құттықтап, Тәуелсіздіктің қадір-қасиеті, оның ел үшін маңызы туралы тағылымды насихат айтты. Ол өз сөзінде бірлік, татулық және бейбітшіліктің тәуелсіз мемлекеттің басты құндылықтары екенін атап өтті.





