«БӘЙКЕН» МЕШІТІНІҢ 10 ЖЫЛДЫҒЫНА ОРАЙ ҚҰРАН КӘРІМДІ ЖАТҚА ОҚУДАН БАЙҚАУ ӨТТІ (ФОТО)
ҚМДБ Алматы қаласы өкілдігінің ұйымдастырумен «Бәйкен» мешітінің 10 жылдығына орай Құран Кәрімді жатқа оқудан байқауы өтті.
«Байкен» мешітінде өткен Құран Кәрімді жатқа оқу байқау шарасына ҚМДБ наиб мүфти Кенжәлі қажы Қоңыратбайұлы, Алматы қаласының бас имамы Төлеби қажы Оспан, Бостандық ауданы әкімінің орынбасары Сакен Жаппарұлы, Бостандық ауданы ардагерлер кеңесінің төрағасы Жаңгелді ақсақал қатысып құттықтау сөздерін жеткізіп, ұйымдастырушыларға алғыстарын жеткізіп, үміткерлерге сәттілік тіледі. «Байкен» мешітінің бас имамы Болатбек қажы Ұласқанұлы, келген қонақтарға ыстық ықыласын білдіріп, құрмет көрсетіп иықтарына қазақы дәстүрге сай шапан жапты.
Құран байқауға 48 үміткер қатысты. Байқау Құран Кәрімнің 30 парасын, 20 парасын, 10 парасын жатқа оқу бойынша ұйымдастырылды. Алқалы байқауға «Алматы қаласы орталық» мешітінің наиб имамы Қуаныш қари Тоқсанбайұлы, «Хусамуддин ас-Сығанақи» қарилар дайындау ижаза орталығының директоры Ақжолтай қари Бақытжанұлы және «Нұр-Мүбәрак» университетінің ұстазы доктор Ибрахим Шағбан Әл-Муршиди сынды білікті қарилар қазылық етті.
Қазылар алқасының шешімі бойынша жеңіс тұғырынан көрінген қарилардың тізімі төмендегідей:
Құран Кәрімнің 30 парасын жатқа оқудан:
І орын (1 000 000 теңге) – Мырзахмет Махмут Жолдасұлы
ІІ орын (500 000 теңге) – Есімбек Арсен
ІІІ орын (400 000 теңге) – Ермек Жұманазаров
Құран Кәрімнің 20 парасын жатқа оқудан:
І орын (500 000 теңге) – Аліби Бөрібаев
ІІ орын (300 000 теңге) – Айдос Жолдас
ІІІ орын (200 000 теңге) – Нажмиддинов Төрехан
Құран Кәрімнің 10 парасын жатқа оқудан:
І орын (300 000 теңге) – Мұсаров Нұрсұлтан
ІІ орын (200 000 теңге) – Маханбет Дінмұхаммед Абдіжамалұлы
ІІІ орын (150 000 теңге) – Серікбай Диас
Сондай-ақ, Құран Кәрімді жатқа оқу байқауына қатысып, жүлдегерлер қатарынан көрінбеген барлық үміткерлерге қаржылай 30 000 теңгеден ынталандыру сыйлығы берілді.
«Бәйкен» мешітінің 10 жылдығына орай ұйымдастырылған байқаудың жеңімпаздары мен жүлдегерлерін марапаттау рәсіміне ҚМДБ Алматы қаласы бас имамы Төлеби қажы Оспан, Алматы қаласы аудандарының бас имамдары мен дін қызметкерлері және зиялы қауым өкілдері қатысты.
Қызықты тақырыптар
Намаз уақыттары 
.jpg)
.jpg)
.jpg)
.jpg)
