БАС МҮФТИ АЛМАТЫДА АРДАГЕР ИМАМДАРМЕН КЕЗДЕСТІ (ФОТО)
Бүгін Қазақстан мұсылмандары діни басқармасының төрағасы Наурызбай қажы Тағанұлы мүфтияттың 35 жылдық мерейтойы қарсаңында Алматы Орталық мешітінде ардагер имамдармен кездесті.
Кездесуге ҚМДБ құрылған сәттен бастап діни салада қызмет етіп келе жатқан ардагер имамдар қатысты.
Басқосуда Бас мүфти Наурызбай қажы Тағанұлы: «Міне, қарашаңырағымыз – Қазақстан мұсылмандары діни басқармасының құрылғанына да 35 жыл толып отыр. Айтулы күнмен баршаңызды құттықтаймын. Ширек ғасырдан астам уақытта қаншама шаруалар атқарылды. Әлі де атқарыла береді. Алла Тағала қасиетті Құранның «Мұхаммед» сүресінің 7-аятында: «Уа, иман келтіргендер! Егер Алланың дініне қолдау көрсетсеңдер, Алла Тағала да сендерді қолдайды һәм аяқтарыңды тайдырмай хақ жолда нық басқызады» дейді.
Біздің әрбір жұмысымыз Алланың дінін дәріптеуге, халықтың бірлігі мен ынтымағын нығайтуға бағытталған. Сондықтан біз бұл саланы өз жүрек қалауымызбен таңдағандықтан, әрбір ісімізде ыждағаттылық пен ерекше ықылас танытуымыз тиіс. Өйткені имам – қоғамды тәрбиелеуші, ағартушы ұстаз. Отаншыл, еңбексүйгіш, аманатқа адал, ата-анасын қадірлейтін иманды ұрпақ тәрбиелеуде имамның атқаратын рөлі ерекше. Аллаға шүкір, халқымыздың рухани дамуына, қоғамда отбасы құндылығының артуына ағартушы ұстаздар мен дін қызметкерлері үлкен үлес қосып келеді. Баршаңызға Алла разы болсын», – деді.
Игі басқосу барысында Бас мүфти ғұмырын діни салаға арнаған дін қызметкерлерін Алғыс хатпен марапаттап, игі тілегін білдірді.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
