ҚМДБ ТӨРАҒАСЫ «МҮФТИЯТ ҮЗДІГІ – 2024» МАРАПАТТАУ ШАРАСЫНА ҚАТЫСТЫ (ФОТО)
Қазақстан мұсылмандары діни басқармасының қорытынды Төралқа мәжілісі барысында «Мүфтият үздігі – 2024» номинациясымен марапаттау рәсімі өтті. Салтанатты шараға Бас мүфти Наурызбай қажы Тағанұлы арнайы қатысып, номинация иегерлерін марапаттады.
«Аллаға шүкір, «Мүфтият үздігі» марапаттау іс-шарасының ауқымы жылдан-жылға кеңейіп келеді. Биыл оған бірнеше номинацияны арнайы қосып отырмыз. Біздің бабаларымыз «Мың малың болғанша, бір балаң ғалым болсын» деген өсиет қалдырған. Алаш қайраткері Міржақып Дулатұлы: «Әуелі үйренетін бір ғылымың, өзіңнің мұсылманша дін ғылымың», – деген болатын. Діни білім және кадр даярлау – Діни басқарманың негізгі жұмыс бағытының бірі. Осы орайда мүфтиятқа қарасты оқу орындарының ұстаздарын, шәкірттерін ынталандыру мақсатында Нұр-Мүбарак университетінің ұстазы мен шәкіртіне, «Институт ұстазына» және «Медресе шәкіртіне» биыл алғаш рет «Мүфтият үздігі» жүлдесін табыстаймыз», - деді ҚМДБ Төрағасы.
Салтанатты шарада 33 номинация бойынша үздіктер марапатталды. Атап айтқанда:
1. «Үздік қала имамы» – Ғалымжан Айкеев (Түркістан облысы)
2. «Үздік аудан имамы» – Есенкелді Ажмахан (Қостанай облысы)
3. «Үздік ауыл имамы» – Сәкен Мукеев (Қарағанды облысы)
4. «Үздік наиб имам» – Дәулет Идришев (Абай облысы)
5. «Үздік мешіт азаншысы» – Мұхит Көпжасар (Астана қаласы)
6. «Үздік ардагер имам» – Сейтқали Ыбытаев (Алматы облысы)
7. «Жыл уағызшысы» – Ерсін Әміре (Шымкент қаласы)
8. «Үздік оңалтушы» – Диас Байжігітов (Ақмола облысы)
9. «Үздік ұстаз» – Ерлан Битенов (Түркістан облысы)
10. «Үздік ұстаз» – Қарлығаш Талқанбаева (Республикалық Бас мешіт)
11. «Үздік ауыл мешіті» – «Жаңа ауыл» мешіті (Павлодар облысы)
12. «Үздік аудан мешіті» – «Миғраж» мешіті (Маңғыстау облысы)
13. «Үздік қала мешіті» – «Орал» облыстық орталық мешіті (Батыс Қазақстан облысы)
14. «Үздік мешіт тазалықшысы» – Дінмұхаммед Манапұлы (Жетісу облысы)
15. «Үздік есепші» – Динара Есжанова (Алматы қаласы)
16. «Үздік діни сайт» – Asyldin.kz (Жамбыл облысы)
17. «Үздік әлеуметтік желідегі парақша» – @tanym_media (Қызылорда облысы)
18. «Үздік Call орталық қызметкері» – Рахматулла Байменов (Астана қаласы)
19. «Үздік қажылық гиді» – Абдулкасым Ашимов (Алматы қаласы)
20. «Үздік Нұр-Мүбәрак ұстазы» – Қалмахан Ержан
21. «Нұр-Мүбәрак үздік шәкірті» – Мархаба Әбілда
22. «Үздік институт ұстазы» – Абдухалык Рахимов (Республикалық имамдардың білімін жетілдіру Ислам институты)
23. «Үздік медресе ұстазы» – Нұралы Төребеков («Сарыағаш» медресе-колледжі)
24. «Медресе үздік шәкірті» – Айқын Мағауия («Үшқоңыр» медресе-колледжі)
25. «Үздік қарилар орталығы» – «Қауам ад-Дин әл-Итқани әл-Фараби ат-Түркістани» (Ақмола облысы)
26. «Үздік қайырымдылық мекемесі» – «Түркістан» қайырымдылық мекемесі (Алматы облысы)
27. «Үздік халал кәсіпорын» – «Daily Food» асханалар желісі
28. «Уақып үздігі» – Талғат Сапанов (Алматы қаласы)
29. «Үздік Qamqor Sharapat орталығы» – Бақдәулет Әбілдаев (Қарағанды облысы)
30. «Үздік зекет қызметкері» – Оңталап Жидебаев (Қызылорда облысы)
31. «Үздік мүфтият қызметкері» – Марат Абдуллаұлы («Мешіт істері» бөлімінің меңгерушісі)
32. «Бес бағыт үздігі» – Жамбыл облыстық өкілдігі
33. «Үздік өкілдік» – Қарағанды облыстық өкілдігі
Барлық номинация иегерлерін, дін қызметкерлері мен мешіт-медресе ұжымдарын үздік атануымен шын жүректен құттықтап, еңбектеріне жеміс, отбасыларына амандық тілейміз!
\
Қызықты тақырыптар
Намаз уақыттары 
.jpg)
.jpg)
.jpg)
.jpg)
