АЛМАТЫ ИМАМДАРЫ 2026 ЖЫЛДЫҢ ЖҰМЫС ЖОСПАРЫМЕН ТАНЫСТЫ
ҚМДБ Төрағасы Бас мүфти Наурызбай қажы Тағанұлының 2026 жылға арналған бағдарлық баяндамасы, айтулы шаралар, мүфтият жоспары мен Алматы өкілдігінің 2026 жылға арналған жұмыс жоспарымен таныстыру жиыны өтті.
Жиынға Алматы қаласының бас имамы Төлеби Дәділұлы, Орталық мешіттің дін қызметкерлері, қала мешіттерінің бас имамдары және мешіт есепшілері, іс басқарушылары қатысты. Қазақстан мұсылмандары діни басқармасының елордада өткен кеңейтілген Төралқа мәжілісінде Бас мүфти Наурызбай қажы Тағанұлы барша дін қызметкеріне бағдарламалық баяндамасын жолдаған болатын. 2026 жылды «Ислам және адал қоғам» жылы деп жариялап, төрт бағыт бойынша, атап айтсақ, Дәстүр және Отбасы, Діни оқу-ағарту, Жат діни ағымдардан сақтандыру, Ихсан және насихат бағыттарына басымдық беретінін атап өтті.
Мүфтият жоспары негізінде қала имамдарының біліктілігін арттыруда арнайы курстар ұйымдастыру керегін айтты. Дәстүрлі ислам бағытында видео уағыздар түсіруді қолға алуды тапсырды. Сондай-ақ дәстүрлі исламды насихаттауда түрлі іс-шаралар жоспарға енгізілгенін жеткізді. Мүфтият жанынан жаңадан ашылған бағыттар мен сектор жұмысын таныстырды бас имам.
Жиында “Tawaf Travel“ қажылық компаниясының директоры Бектемір Исқақов Қажылық пен ұмра сапарының қызметіне шолу жасады. «Қарасай батыр» мешітінің бас имамы Серікбай қажы Ораз бен Алмалы ауданының бас имамы Еркінбек Шоқай бағдарлық баяндамаға қатысты пікір білдірді.
«Бас мүфти биылғы жылды діни қызмет аясында «Ислам және адал қоғам» жылы деп жариялады. Хазрет өз сөзінде: «Бұл – әрбір азаматтың қоғам алдындағы жауапкершілігін арттыруға бағытталған маңызды қадам. Имамдар уағыз-насихат жұмыстарында, адалдық, әділдік, жауапкершілік тақырыптарын кеңінен насихаттауға басымдық беруі тиіс», - деп атап өтті. Бағдарлық баяндамада айтылған тағы да бір тапсырма – тәуелсіздігіміздің 35 жылдығына орай ел аумағында 35 мың түп ағаш отырғызу және әлеуметтік осал топтағы 35 мың отбасыға қайырымдылық көмек көрсету, имамдарға цифрлық және жасанды интеллект сауаттылығын арттыру мақсатында арнайы семинар-тренингтер өткізуді тапсырды. Сонымен қатар мешіттерде техникалық және өрт қауіпсіздік шараларын қатаң қадағалауды тапсырды», - деді қаланың бас имамы Төлеби Оспан.
Жиын соңында алматылық бірқатар дін қызметкерлеріне Бас мүфти атынан берілген алғыс хаттар табысталды.
Алматы өкілдінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
