Үй шаруасы әйелдің міндеті ме?

02.03.2021 2 694 0

– | A | +

Сұрақ: Әйел үйді сыпыру, тамақ пісіру, кір жуу секілді үй ішіндегі жұмыстарды істеуі міндетті ме?

Жауап: Жалпы ғұламалардың кейбірі әйел үйдің жұмыстарын істеуі тиіс десе, кейбірі міндетті емес дейді. Дегенмен, Ханафи мәзһабы бойынша әйелдің діни тұрғыдан күйеуіне қызмет етуі – уәжіп[1]. Яғни үйді сыпыру, кір жуу, тамақ пісіру т.б. үйдің шаруасына қатысты жұмыстарды істеуі тиіс. Бұл ғасырлар бойы әдет-ғұрып бойынша қалыптасып келе жатқан әйелдің ері алдындағы міндеті[2]. Оған Пайғамбарымыздың (оған Алланың салауаты мен сәлемі болсын) Әли мен Фатима анамыздың арасына төрелік етіп, түздегі істерді Әлиге тапсырып, үй ішіндегі қызметтерді Фатиманың атқарар шаруасы деп белгілегені дәлел болады[3].

Сондай-ақ, Пайғамбарымыздың (оған Алланың салауаты мен сәлемі болсын) және сахабалардың әйелдері де үйдің қызметін атқарған[4]. Айша анамыз: «Пайғамбарымыздың мисуагын, дәрет суын әзірлеп қоятынмын»[5] деген.

Әбу Бәкірдің қызы Әсмә да былай дейді: «Үй шаруасының бәрі менің мойнымда еді. Күйеуім Зубәйрдың атына жем беріп, өзім суғаратынмын»[6]. Осыған орай, әйел үйді сыпыру, тамақ пісіру, киім жуу секілді т.б. үйдің ішіндегі шаруаларды істеуі міндетті. Заманның қыз-келіншектері үй іші шаруаларында осы сахаба əйелдерді үлгі тұтып, оны құлшылықтарының бір бөлшегі ретінде қараған жөн. Бұл арқылы күйеуінің разылығына да жетеді.

Ер кісі де әйеліне шамасы келмейтін істерді жүктемеу керек. Керісінше шамасы келгенше бос уақыттарында оған көмектескені дұрыс.

[1] Әл-Бәдәйығу әс-санайығу фи тәртиби әш-шәрайығи, 4/192. Әл-Мәусуға әл-Фиқһия, 19/44.

[2] Мухаммад Абу Заһра, Әл-ахуалу әш-шахсия,166 б.

[3] Ибн Хажар, Фәтху әл-бәри, 9/507.

[4] Нәбил инб Кәмәлуддин Мухаммад Тахун. Әхкәму әл-усра фи әл-исләм, 240 б.

[5] Муслим риуаяты.

[6] Бұхари, 6/157.

ҚМДБ Шариғат және пәтуа бөлімі

Предыдущий	Следующий
#7 Қонақтық әдебі	Алғыс айту – асыл қасиет
09.03.2021 2894 0	01.03.2021 3983 0

Оқырмандардың пікірі (0)

Қызықты тақырыптар

Сұрақ-жауап Онлайн неке қию дұрыс па?

Бүгінде қоғамдық тұрмыста телефон немесе интернет байланыс арқылы ер мен әйелдің неке қию деректері жиі айтыла бастады. Адам өміріндегі ең маңызды және есте қаларлық неке шарты жасалғанда қалыңдық бір жақта, күйеу басқа жақта, ал куәгерлер тағы бір жақта қатысатын көрінеді. Осындай неке шариғат бойы...

23.02.2021 1 886 0

Сұрақ-жауап Желілік маркетингтің үкімі қандай?

Желілік маркетинг пен қаржылық пирамиданың құрылымы ұқсас болғанымен, екеуінің жұмыс жүйесі екі түрлі. Қаржылық пирамидалар ешқандай өнім немесе тауар ұсынбайды, айналымда тек ақша жүреді....

18.02.2021 3 132 0

Сұрақ-жауап «Арыстан бабқа түне, Қожа Ахметтен тіле» деген сөзге шариғат қалай қарайды?

Әсілі, Алладан емес, адамнан тілеудің ширк шақыратын ұғым екені еш дау тудырмайды. Десе де, бұл мәселеге ақида іліміндегі «тәуассулмен» (Алладан сұрағанда араға дәнекер қою) жауап беруімізге де болады. Біздің пайымдауымызша ясауи тариқаты өкілдерінің «Арыстан бабқа түнеп, Қожа Ахмет Ясауиге зиярат (...

09.02.2021 3 466 0

Сұрақ-жауап Намаз үлгісі көрсетілген жайнамазбен намаз оқуға бола ма?

Жоғарыдағы тыйым салынған деректер Құранның, шариғаттың белгілері аяқ-асты болып кетуіне байланысты келген. Сондықтан намаз үлгісі көрсетілген жайнамазбен намаз оқу аталмыш тыйымның құрамына кіреді. Оған қоса жаттамаған сүрелерді Құранға қарап оқу намазды бұзады (Хашияту әт-Тахтауи, 336) әрі суре...

03.02.2021 4 019 0

Сұрақ-жауап Тик-ток түсіруге бола ма?

Тик-Токтың шыққанына көп болмаса да бүгінде бұл қосымша бүкіл әлемді жаулап үлгерді. Тіпті қолданушылар саны бойынша ютуб, инстаграм, фейсбуктан да асып түсті. Қысқасы қазіргінің тренді осы....

08.01.2021 4 690 0

Сұрақ-жауап Тәжуид үйретіп ақы алу дұрыс па?

Алла Тағала: «Құранды мәнерлеп тұрып оқы», – деп бұйырды («Муззаммил» сүресі, 4-аят). Құранды мәнерлеп оқу дегені оны ежіктеп, әріптерді дұрыс шығарып, аяттарды бөліп-бөліп, тәжуид ережесіне сай оқуға айтылады....

16.12.2020 5 536 0