Намаз үлгісі көрсетілген жайнамазбен намаз оқуға бола ма?

03.02.2021 4 107 0

– | A | +

Қазіргі кезде намаз үлгісі көрсетілген жайнамаздар кең таралуда. Оның ішінде Құран аяттары, Алланың есімдері, дұғалар бар. Мұсылман адам Құранды әрі шариғаттың белгілерін құрметтеуі тиіс. Кім Құранды құрметтесе Алла Тағаланы құрметтегені, ал кім оны кемсітсе, Алланы кемсіткен болады. Алла Тағала Құранда былай дейді:

ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ

«Міне осы. Кім Алланың белгілерін ұлықтаса: күдіксіз ол, жүректің тақуалығынан» («Хаж» сүресі, 32-аят).

Омар (ол кісіден Алла разы болсын): «Құранды ұлықтаңдар», – деген (Құртуби тәпсірі, 1/29).

Ал жайнамаздың үстіне Құран аяттарын, дұғаларды жазу қасиетті рәміздерді елемеу және оның беделін, мәртебесін бағаламау болып саналады.

Пайғамбарымыздың (оған Алланың салауаты мен сәлемі болсын) хадисінде Құранды жерге, киімге, төсенішке, жастыққа және т.б. жазуға тыйым салған деректер жеткілікті. Соның бірі Амр ибн Шұғайыптан жеткен риуаятта: «Пайғамбарымыз (оған Алланың салауаты мен сәлемі болсын) Құранды жерге жазуға тыйым салған», – делінген (Ибн Батта, «әл-ибәнә», 5/325. Әл-Мустағфири, «Фәдәйлу әл-Құран», 1/200).

Себебі жерді барлығы аяғымен басып жүргендіктен, оған жазылған Құран аяқ асты болып кетуі мүмкін. Бұл Құранды құрметтемеуге алып барады. Ол үлкен – күнә (Әбу Убайд Қасим ибн Сәләм, «Фәдәйлу әл-Құран», 121).

Кәмал ибн Һумам: «Құранды, Алла Тағаланың есімдерін дирһамға, михрабқа, қабырғаға және төсеніштерге жазу – мәкруһ», – деген (Фәтху әл-қадир, 1/173).

Жоғарыдағы тыйым салынған деректер Құранның, шариғаттың белгілері аяқ-асты болып кетуіне байланысты келген. Сондықтан намаз үлгісі көрсетілген жайнамазбен намаз оқу аталмыш тыйымның құрамына кіреді.

Оған қоса жаттамаған сүрелерді Құранға қарап оқу намазды бұзады (Хашияту әт-Тахтауи, 336) әрі суреттің үстіне сәжде ету мәкруһ саналады (Нуру әл-идах, 112). Қорыта айтқанда, мұндай жайнамазбен намаз оқуға болмайды.

Шариғат және пәтуа бөлімі

Предыдущий	Следующий
#1 Ислам әдебі	Қара сөз қара өлеңге айналғанда... #31
04.02.2021 5849 0	03.02.2021 2728 0

Оқырмандардың пікірі (0)

Қызықты тақырыптар

Сұрақ-жауап Тик-ток түсіруге бола ма?

Тик-Токтың шыққанына көп болмаса да бүгінде бұл қосымша бүкіл әлемді жаулап үлгерді. Тіпті қолданушылар саны бойынша ютуб, инстаграм, фейсбуктан да асып түсті. Қысқасы қазіргінің тренді осы....

08.01.2021 4 896 0

Сұрақ-жауап Тәжуид үйретіп ақы алу дұрыс па?

Алла Тағала: «Құранды мәнерлеп тұрып оқы», – деп бұйырды («Муззаммил» сүресі, 4-аят). Құранды мәнерлеп оқу дегені оны ежіктеп, әріптерді дұрыс шығарып, аяттарды бөліп-бөліп, тәжуид ережесіне сай оқуға айтылады....

16.12.2020 5 652 0

Сұрақ-жауап Жалқауланып намазды бір оқып, бір оқымай жүрмін. Не істесем екен?

Сәлеметсіздер ме! Иманды қалай күшейтуге болады? Намаздарымды оқымай қаза етіп жүрмін. Қаза қылмай екі күн оқысам, қалған 5 күн оқымай қоямын. Бұлай еткенше мүлдем оқымай қойған дұрыс шығар деп жүрмін. Не айтар едіңіз?...

11.11.2020 7 081 0

Сұрақ-жауап Есектің сүтін емдік мақсатта ішуге бола ма?

Шариғатымызда есек етін жеуге тыйым салынған. Бұған байланысты көптеген хадистер келген.

10.11.2020 2 873 0

Сұрақ-жауап Мәулітті тойлауға бола ма?

Мәуліт – Пайғамбарымыздың (оған Алланың салауаты мен сәлемі болсын) туған күнін атап өту рәсімі. Бұл мереке һижри жыл санағы бойынша рабиғул әууәл айының 12-ші жұлызына сай келеді. Оны толық бір ай бойы тойлауға болады. Мұнда мәуліт шәріп жырынан үзінділер, салауат және дұғалар оқылады. Мәулітте Алл...

30.10.2020 2 365 0

Сұрақ-жауап Аяқ киіммен намаз оқуға бола ма?

Ислам – тазалыққа негізделген дін. Тазалық – дініміздің ең басты қағидаларының бірі. Әрі көптеген ғибадаттардың қабыл болуы осы тазалыққа тікелей байланысты. Мұсылманның ең абзал құлшылығы намаз екені баршамызға аян. Алайда сол намаздың дұрыс болуы үшін, денеміз, киіміміз және намаз оқитын орнымыз н...

07.10.2020 3 495 0