МӘЙІТТІ БАСҚА ЖЕРГЕ КӨШІРІП ЖЕРЛЕУГЕ БОЛА МА?

18.11.2021 2 552 0

– | A | +

Адам баласы тірі кезінде қандай құрметке ие болса, қайтыс болғаннан кейін де сол құрметтілігі сақталады.

Алла Тағала Құранда: «Расында, Біз Адам баласын ардақты еттік» («Исра» сүресі, 70-аят)– дейді.АрдақтыПайғамбарымыз (оған Алланың салауаты мен сәлемі болсын) былай дейді: «Өлген адамның сүйегін сындыру – тірі адамның сүйегін сындырғанмен тең»(Ибн Мәжә, №1616. Әбу Дәуіт, №3207).

Шариғат бойынша мәйіт қайтыс болған жерге жерленеді (Радду әл-мухтар, 3/146). Алла елшісі (оған Алланың салауаты мен сәлемі болсын):«Егер Алла Тағала пенденің белгілі бір жерде жан тапсыруын қаласа, ол адамды бір қажеттілігіне байланысты сол жерге баруын жазады»(Термизи, №2147. Табарани, №706, 22/276. Хаким, №127. Хадистің дәрежесі сахих) деген.

Дегенмен қайтыс болған адамның денесі бұзылмайтын болса, туған жеріне немесе мәйіт иесі қалаған басқа жерге апарып жерлеуге болады (Фәтәуа Қадихан, 1/172). Өйткені марқұмды туыстары мен бауырларының жатқан жеріне апарып жерлеу – мұстаһаб (Құртуби, Тәзкира, 93-бет).

Ал жерленген мәйітті ешбір себепсіз қайта қазып алып, екінші бір жерге көшіріп жерлеуге шариғат тыйым салады (бірақ мынандай жағдайларда ғана мәйітті көшіруге рұқсат етіледі:жерленген жер біреудің меншігі болып, жер иесі мәйітті алып кетуді талап етсе; мәйіт жерленген жерге көпшілікке өте қажет болған құрылыс немесе жол салу жоспарланса; қабірге су астында қалу қаупі төнсе; мұсылман мәйіті өзге дін өкілдерінің зиратына жерленсе).

Қайтыс болған адам туған жерден жырақта жерленген болса, марқұмның қабірін толықтай көшірместен қабірінен топырақ алып, туған жеріне немесе туыстары жерленген қабірстанға апарып, бейіт тұрғызу шариғатымызда келмеген. Өйткені Пайғамбарымыздың (оған Алланың салауаты мен сәлемі болсын) алыс жерлерде қайтыс болған сахабаларының рәміздік қабірі жасалмаған.

Кейбір аймақта рәміздік қабірді «тұрпаты» деп атайды. Қабір мәйітті арулап қоюмен ғана қабір болып саналады. Сондықтан шариғатымызда оның үстін басуға, отыруға, дәрет сындыруға тыйым салынған. Ал рәміздік қабір – мұндай құрметке ие бола алмайды.

ҮКІМ:

Мәйітті қайтыс болған жерінде жерлеген дұрыс. Егер денесі бұзылмайтын болса, туған жеріне немесе мәйіт иесі қалаған басқа жерге апарып жерлеуге рұқсат.
Жерленген мәйітті ешбір себепсіз қайта қазып алып, екінші бір жерге көшіріп жерлеуге шариғат тыйым салады.
Марқұмның қабірінен топырақ алып, туған жеріне немесе туыстары жерленген қабірстанға апарып, қабір жасау дұрыс емес. Ол қабір болып саналмайды.

ДЕРЕККӨЗІ muftyat.kz

ҚМДБ ресми сайты

Предыдущий	Следующий
БҮГІНГІ ТАҢДАҒЫ САЛАФИЛІК ИДЕЯЛОГИЯСЫ	АДАСУШЫЛЫҚТАН АДА БОЛ!
20.11.2021 1769 0	17.11.2021 1801 0

Оқырмандардың пікірі (0)

Қызықты тақырыптар

Сұрақ-жауап GENDER PARTY ӨТКІЗГЕН ДҰРЫС ПА?

Қазақы ғұрып қоржыны бұрын естімеген әдеттермен толығып жатыр. Соның бірі - gender party, яғни аяғы ауыр келіншек немесе отбасының жақын достары құрсақтағы шарананың жынысын болашақ әкесіне сүйіншілеп, тосынсый жасауы....

05.11.2021 4 291 0

Сұрақ-жауап Дәстүр мен діннің айырмасы қандай?

Қазақ халқында қалыптасқан ұлттық дәстүрлердің, ділдегі ұғымдардың басым көпшілігі Ислам дінімен бірге өрілген. Кейбірі хақ діннің негізінде пайда болған. Сондықтан ұлттық салт-дәстүрлер төл мәдениеттің аясында қарастырылады. Ал әрбір халықтың мәдениетін, танымдық тұғырын айқындап беретін таразы – с...

02.11.2021 1 772 0

Сұрақ-жауап ЖАСАНДЫ ЖОЛМЕН ЖАҢБЫР ЖАУДЫРУДЫҢ ҮКІМІ

Құранда жауын-шашынның Алланың қалауымен ғана жауатыны баяндалған. Алла Тағала Қасиеті Құранда: إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ «Расында, қияметтің қай уақытта орнайтындығы бір Алланың құзырында және жаңбырды да (қалған уақытында, қалаған жеріне) Өзі жаудырады...», – д...

27.10.2021 2 152 0

Ислам әдебі ӨЗГЕ ДІН ӨКІЛІМЕН ҚАРЫМ-ҚАТЫНАС

Дінаралық келісімнің міндеті – түрлі дін өкілдері арасындағы өзара келісім мен ынтымақтастықты, толерантты ара-қатынасты орнықтыру. Өз кезегімізде біз дінаралық келісім сақтау арқылы діни саладағы түрлі шиеленістердің алдын алып, берекелі бейбіт өмірге қол жеткізе аламыз....

18.10.2021 2 558 0

Сұрақ-жауап САҚАЛ БОЯУҒА БОЛА МА?

Имам әл-Хаскафи өзінің Дуррул мухтар кітабында бұл мәселе жөнінде былай дейді: «Ер кісілерге (ағарып, ұсқынсыз болып қалған) шаш-сақалын (су өтетіндей) бояуы мустахаб, - себебі, Пайғамбарымыз (Оған Алланың игілігімен сәлемі болсын): إن اليهود والنصارى لا يصبغون، فخالفوهم «Яхудилермен Насарала...

14.10.2021 4 325 0

Сұрақ-жауап Марқұмның атынан құрбан шалуға бола ма?

Дүниеден озған адамның (марқұмның) атынан сауап ниетінде құрбан шалуға болады. Бірақ, мойнына құрбан шалу уәжіп болған кісі ең әуелі өз атынан құрбандық шалуға тиісті....

17.07.2021 2 289 0