Марқұмның атынан құрбан шалуға бола ма?

17.07.2021 2 246 0

– | A | +

Дүниеден озған адамның (марқұмның) атынан сауап ниетінде құрбан шалуға болады. Бірақ, мойнына құрбан шалу уәжіп болған кісі ең әуелі өз атынан құрбандық шалуға тиісті.

Әли (Алла оған разы болсын) біреуін өзі үшін, екіншісін Пайғамбарымызға (оған Алланың салауаты мен сәлемі болсын) атап екі құрбандық шалған. Бұның себебін сұраған кісілерге ол:

إن رسول اللَّه صلَّى اللَّه عليه وسلَّم أوصاني أن أضحّي عنه فأنا أضَحّي عنه

«Алланың елшісі (оған Алланың салауаты мен сәлемі болсын) кеудемде жаным бар кезде Өзі үшін құрбандық шалуымды өсиет еткен»[1], – деп жауап берген.

Өлген адам үшін құрбан шалғысы келген адам оны құрбан айт күндері орындауы шарт. Құрбандық етінен құрбан шалған адамның өзі де, басқалар да жесе болады.

Егер құрбан шалуды қайтыс болған адам өсиет етсе, құрбандық етін оның мұрагерлері жей алмайды. Құрбандықты түгелдей кедей мен мұқтаждарға таратып беру керек.

ҚМДБ Шариғат және пәтуа бөлімі

[1] Әбу Дәуіт риуаят еткен.

ДЕРЕККӨЗІ muftyat.kz

ҚМДБ ресми сайты

Предыдущий	Следующий
Құрбандық қиссасының ғибраты	Құрбандыққа қандай мал шалынады?
21.07.2021 1889 0	17.07.2021 2133 0

Оқырмандардың пікірі (0)

Қызықты тақырыптар

Сұрақ-жауап Құрбандыққа қандай мал шалынады?

Құрбандыққа таңдап алынған малдың сау, мінсіз болуы талап етіледі.

17.07.2021 2 133 0

Сұрақ-жауап Буаз малды союға бола ма?

Алла Тағала жер бетіндегі барлық нәрсені адамзаттың пайдасы үшін жаратты. Ол туралы Құранда: هُوَ الَّذِي خَلَقَ لَكُم مَّا فِي الْأَرْضِ جَمِيعًا «Ол (Алла) жердегі нәрселердің бәрін сендер (адамдар) үшін жаратты»[1]-дейді. Адам баласы жаратылғалы мал мен жануарлардың етін жеп күнелтеді....

17.07.2021 1 865 0

Сұрақ-жауап Құрбандық қай уақытта шалынады?

Құрбандық шалудың белгілі уақыты бар. Құрбандықты одан алдын немесе кейін шалуға болмайды. Уақытынан бұрын шалған құрбандық өз отбасы үшін сойылған мал іспетті. Ол құрбандық болып есептелмейді. Ал уақытынан кейін шалса, оның етін садақа ету уәжіп болады, одан өзі жемейді[1]....

17.07.2021 1 776 0

Сұрақ-жауап Құрбан шалғанда ниет ету шарт па?

Негізінде әрбір іс міндетті түрде ниет етумен басталады. Кейбір ғибадаттарда нақты ниет етілмесе, көзделген мақсат орындалмай, жай бір әрекет болып қалуы мүмкін.

14.07.2021 2 478 0