БАС ИМАМ: ИСІ МҰСЫЛМАН ҚАУЫМЫНЫҢ ЖАҢА ЖЫЛЫ ҚҰТТЫ БОЛСЫН!
Ислам әлемінде, мұсылман халықтарында өзіне тән, Айға негізделген арнайы күнтүзбе бар. Ол – «хижра күнтүзбесі» яки «хижра жыл санауы» деп аталады. Хижра күнтүзбесі Пайғамбарымыздың (с.ғ.с.) Меккеден Мединаға қоныс аударған кезінен бастау алады. Бұл кезең мұхаррам айының кіріп келуімен тұспа-тұс келеді.
Биыл, Алланың қалауымен, 1440-ыншы жылға аяқ бастық. Алланың ұлы нығметі болған Ислам діні мен Оның хақ кәләмі Құран Кәрімнің түскеніне бірнеше жылда ХV ғасыр толғалы отыр. Бұл – адам баласының шынайы сенімге ие болып, жаратқан Құдайын танып, екі өмірлік игілік пен бақытқа кенелгеніне осынша уақыт болды деген сөз.
Жоғарыда айтқанымыздай, мұхаррам айы – мұсылман күнтүзбесінің алғашқы айы болып есептеледі. Құранда аты аталатын қасиетті төрт айдың бірі. Пайғамабарымыз (оған Алланың салауаты мен сәлемі болсын) бұл айды «Алланың ерекше сыйына» балаған. Мүслім риуаят еткен хадисте Алла елшісі:
«Рамазан оразасынан кейінгі ең абзал ораза – Алланың айы мұхаррам айында тұтылған ораза», – деп айтқан.
Сонымен қатар, бұл айда мұсылмандар үшін үлкен маңызға ие Ашура күні бар. «Ашура» сөзі аты айтып тұрғандай «оныншы» деген мағынаны білдіреді. Яғни Ашура күні – мұхаррам айының оныншы жұлдызы. Сондықтан Пайғамбарымыз бұл күннің құрметіне орай үмбетін ораза тұтуға шақырып, сауабы мен қарымтасын сүйіншілеп былай деген:
«(Ашура күні тұтқан ораза) Өткен жылдың күнә-қателіктерін өшіреді». Мүслім риуаят еткен.
Ханафи мазһабы бойынша Ашура оразасы сүннет болып табылады. Тағы бір ескере кететін жайт, Ашура күнін жеке тұтпай, оған алдыңғы немесе кейінгі күнді қосып тұту керек. Бұған Алла Елшісінің (оған Алланың салауаты мен сәлемі болсын) мына бір хадисі дәлел:
«Ашурада ораза тұтыңдар және яһудилерге керісінше жасап, алдыңғы не кейінгі күнді де тұтыңдар».
Сөз соңында айтарымыз, Алла Тағала біздің осы айда жасаған барлық құлшылықтарымыз бен ізгі ниеттерімізді өз құзырында қабыл алып, кіріп келген жаңа хижра жылын Қазақстан халқы мен мұқым мұсылман үмбетіне құтты да берекелі, жеңісті де жемісті, ынтымақты болуын нәсіп етсін дейміз. Әмин!
 Предыдущий |
Следующий |
| Әбу Ханифа әуелі ақида ілімімен айналысып, кейін онымен айналысуға тыйым салған деген мәлімет дұрыс па? | БАС МҮФТИ: МҰХАРРАМ АЙЫ – МҰСЫЛМАНША ЖЫЛ БАСЫ |
Қызықты тақырыптар
Ислам жыл санауы «һижра жыл санауы» деп аталады. Себебі, бұл жыл санау һижрадан – Пайғамбарымыздың (оған Алланың салауаты мен сәлемі болсын) Меккеден Мәдинаға қоныс аударуынан басталады....
Құрбан айт деп атап жүрген, мұсылмандардың «ид аль-ахда» мейрамы хижраның екінші жылы (мұсылмандардың жыл санауы), яғни 624 жылдан діннің бір бөлігі ретінде тойлана бастады. Бұл мейрамның негізгі шығу тарихы Ибраһим пайғамбардың заманынан бастау алады. Құранда келгендей, Құрбан айт мейрамы Алла Тағ...
Қажылық жайлы көркем фильмдерді көрген сайын: «мен қашан барады екенмін?» деген ойда қалатынымыз сөзсіз. Олай болса, Алланың үйіне сапарға дайын болайық.
«Біз оны (Құранды) Қадір түні түсірдік», – деп Алла Тағала бұл түннің мәртебесі Құран арқылы көтерілгендігін баяндайды. Араб тіліндегі «القدر» сөзі біздің «қадірлі, ұлы, беделді, мәртебелі» деген мағыналарды білдіреді. Сондай-ақ,біздің сөздік қорымыздағы «тағдыр» сөзі де негізінен осы әріптерден алы...
Үстіміздегі жылдың 19-қарашасында мұсылман ай күнтізбесінің үшінші айы Рабиул-әууәл басталды. Рабиул-әууәл айы несімен әйгілі? Көпшілік мақұлдаған пікірге сәйкес, дәл осы айда Раббымыздың соңғы Пайғамбары әрі Елшісі, «Пайғамбарлардың мөрі», «Әлемдерге жіберілген Рақым» Пайғамбарымыз Мұхаммед, оған А...
Арапа күні – күндердің ең қадірлісі. Сол күні жасалған ізгі амалдардың сауабы бірнеше еселеніп беріледі. Расында, оның нағыз мөлшерін Алладан басқа ешкім білмейді. Дәл сол сияқты, ол күні жасалған күнәлар да бірнеше еселеніп жазылады....
Намаз уақыттары 
