31-ші тамыз – Арапа күнгі ораза
Арапа күні – күндердің ең қадірлісі. Сол күні жасалған ізгі амалдардың сауабы бірнеше еселеніп беріледі. Расында, оның нағыз мөлшерін Алладан басқа ешкім білмейді. Дәл сол сияқты, ол күні жасалған күнәлар да бірнеше еселеніп жазылады.
Арафат тауына келер болсақ, ол – Алла Тағаланың қажыларға тарту еткен жері, ал Арапа күні – Алланың, олар қай жерде болмасын, Өз құлдарына берген сыйы. Сол себепті, қажылық жасай алмай, Алланың үйіне бара алмай және Арафат тауына аяқ баса алмай, қынжылған жандар осы күнді пайдаланулары керек.
Адам Аллаға шын ниетімен ұмтылып, қандай игі амал жасаса да, Қиямет Күні оның сыйын көретіні сөзсіз. Бізді Аллаға жақындата түсетін ең маңызды амалдардың бірі – Арапа күнгі ораза болып табылады.
Арапа күнгі ораза
Арапа күні – бұл Зүл-хиджа айының тоғызыншы күні (31-ші тамыз). Ол күні ораза ұстау мүстахап амал (сүннет) болып табылады. Муслим және тағы басқа да ғалымдар жеткізген сахих хадисте Пайғамбардан (оған Алланың игілігі мен сәлемі болсын) Арапа күнгі ораза жайында сұралғанда, оның былай дегені айтылады:
«Сол күні ораза ұстаған адамның өткен жылғы және келер жылғы күнәлары кешіріледі».
Мұсылмандардың анасы Айша Масрукқа (оларға Алла разы болсын), былай деген:
«Әй, Масрук, Алла Елшісінің (оған Алланың игілігі мен сәлемі болсын) Арапа күнгі оразаны басқа мың күнмен салыстырғанын естімедің бе?» (Байхақи, Табарани).
Имам Рамали Арапа күнгі ораза екі жылдағы үлкен және кіші күнәлардың өтемі болады деп ант еткен. Бірақ, біреуге жасалған күнә жәбірлеуші өзі ренжіткен адамынан кешірім сұрағанынан кейін ғана кешіріледі. Ол күні науқас адам мен жолаушы (қиындық туындаса) ораза ұстамаса болады. Қиындық болмаса, ораза ұстай бергені жөн. Қажылық жасайтын адам Арафат тауында Аллаға құлшылық жасауға әлсіреп қалмас үшін ол күні ораза ұстамағаны абзал.
Оразаның кестесін «намаз уақыты» деген бөлімнен қарап біле аласыздар. Сәресіні (таң атпай тұрып ауыз бекіту) – таң намазына 10 минут қалғанда аяқтаған абзал. Ифтар уақыты (ауыз ашу) – ақшам намазының кіруімен басталады.
Мерекелік күндердегі Тәкбір Ташрик
Арапа күні деп аталатын Зүл-хиджа айының 9-шы күнінің (31-ші тамыз) таң намазынан бастап, құрбан шалу мейрамының 4-ші күні, яғни Зүл хиджа айының 13-ші жұлдызының (4-шi қыркүйек) екінті намазына дейін, мұсылмандар әр парыз намазынан кейін тәкбір ташрикті оқулары тиіс.
Оған Алла Тағаланың мына сөздері дәлел бола алады:
«Санаулы (маъдудат) күнде Алланы зікір етіңдер». («Бақара» сүресі, 203).
Құран тәпсіршілері «санаулы күндер» деп, қажылардың Мина жазығында болатын күндері жайлы айтылғанын жеткізді. Ол күндер «ташрик күндері» деп те аталады.
Әлидің (Алла оған разы болсын) Арапа күні таң намазын оқып болғаннан кейін тәкбір айтуды бастап, ташриктің соңғы күндерінің бірінде екінті намазынан кейін тәкбірді соңғы рет айтқаны жеткізіледі. (Аби Шейба мұны «Әл-Мусаннаф» кітабында риуаят еткен).
Әрбір еркек, намазды жамағатпен оқыса да, жеке өзі оқыса да, әр парыз намаздан кейін осы тәкбірді дауыстап айтуға міндетті. Әйелдер болса, іштей оқиды.
Тәкбір Ташрик сөздердінің айтылу тарнскрипциясы мен мағынасы:
«Аллаху Акбар, Аллаху Акбар, Лә иләха илләЛлаху, уаЛлаху Акбар, Аллаху Акбар уә лиЛләхиль-хәмд».(Алла бәрінен де ұлық, Алла бәрінен де ұлық. Алладан басқа тәңір жоқ, және Алла бәрінен де ұлық. Алла бәрінен де ұлық және барлық мақтау-мадақ Аллаға ғана лайық).
 Предыдущий |
Следующий |
| Әбу Ханифа әуелі ақида ілімімен айналысып, кейін онымен айналысуға тыйым салған деген мәлімет дұрыс па? | Қазақтардың шынайы ақидасы |
Тақырып аясындағы мақалалар
Биыл, 19 шілде – һижра күнтізбесі бойынша 1445 жыл, мұхаррам айының бірінші күні.
Azan.kz редакциясынан аңғартпа: биылғы жылы Ашура күні 9 қыркүйекке (дүйсенбі) келіп тұр. Яғни, оразаны 8 және 9 қыркүйекте немесе 9 және 10 қыркүйек күндері ұстау керек. Мұхаррам айы түгелдей қасиетті болып саналса да, оның ішіндегі ең қасиетті күн - 10-шы күні. Ол күн Ашура деп аталады. Қасиетті с...
Әбу Аюбтан (оған Алла разы болсын) жеткен хадисте, егер кімде кім Рамазанның оразасын аяқтаған сон Шәууәл айында алты күн ораза тұтса, бір жыл ораза ұстағанмен тең болады делінеді. Бұл Алла Тағаланың бізге берген ұлы Мейірімі. Аз ғана амал жасап, он есе сауап алу – жақсы табыс көзі және керемет келі...
Мұхаммед Пайғамбардың (оған Алланың игілігі мен сәлемі болсын) нақты қай күні дүниеге келгені тарихшылар мен ғұламалардың арасында пікірталас тудырған. Ибн Джәузи Пайғамбардың (оған Алланың игілігі мен сәлемі болсын) (біздің заманамыздың 570 жылы) Рабиуль-Әууәл айында жарық дүние есігін ашқандығы жа...
Үстіміздегі жылдың 19-қарашасында мұсылман ай күнтізбесінің үшінші айы Рабиул-әууәл басталды. Рабиул-әууәл айы несімен әйгілі? Көпшілік мақұлдаған пікірге сәйкес, дәл осы айда Раббымыздың соңғы Пайғамбары әрі Елшісі, «Пайғамбарлардың мөрі», «Әлемдерге жіберілген Рақым» Пайғамбарымыз Мұхаммед, оған А...
Қызықты тақырыптар
«Құрбан Айт» деген атпен белгілі қасиетті Ид-әл-Идха мейрамының қарсаңында өткен жылдардағы тәжірибемізге сүйене отырып, жиі қойылатын сұрақтар мен олардың жауаптарын жариялап отырмыз....
Құрметті мұсылман бауырлар! Алланың қалауымен, 2017 жылдың тамыз айының 22-жұлдызында, ақшам намазының кірісімен қасиетті Зүл-хиджа айы басталады. Бұл ай төрт құрметті айдың бірі болып саналады....
Кейбір жандарға осы жылғы Рамазан айы кезекті қадам болса, кейбір жандарға Рамазан айы тумады да. Өмір уақытша әрі жылдам ағысты. Ал оның ақырғы мерзімі Аллаға ғана аян. Кеше 23 жаста едік, бүгін 34 ке келсек, Алла қалап өмір берсе, ертең 60-ты арақалаймыз....
Мұсылмандар арасында Ораза Айт мерекесі алдында әдеттегідей сәресі ішу керек деген ақпарат кең тараған. Бізге осыған байланысты және осы ақпараттың сенімділігі қаншалықты деген секілді көптеген сауалдар түсіп жатады....
Бұл менің он төртінші Рамазаным. Исламды қабылдаған кезімде 27 жаста едім. Сол себепті, Исламды қабылдағанға дейінгі 27 жылда тек қана христиандық мерекелерді атап өтетінмін. Рамазан айы келгенше жаңа қабылдаған дінімді әжептәуір үйреніп қалдым. Әрдайым Ислам дінінің бір мүшесі екенімдігі сезінген с...
Рамазан айы мұсылман емес адамдардың көпшілігін былай қойғанда, барлық мұсылмандардың сана сезімінде ең әуелі оразамен - күндіз бойы ішіп жемнен тыйылумен ұштасады. Мұсылманша сайттар оразаның игілігі мен ұзақ уақыт бойы өз еркімен Алла разылығы үшін ішіп-жемнен тыйылған адамды күтіп тұрған сауап жа...
Намаз уақыттары 
АССАЛАМУ АЛЕЙКУМ. Я держу пост в день Арафат, Хотела спросить можно ли пользоваться спреем для носа?