АУЫРҒАНДА ОҚЫЛАТЫН ДҰҒАЛАР

29.10.2022 6 893 0

– | A | +

Расул Алла (оған Алланың салауаты мен сәлемі болсын) Осман бин Әбиластың көңілін сұрап келді. Ол ауырып жатқан еді. Сырқаты ауыр және шаншитын.

– Ауырған жерді оң қолыңмен жеті рет уқала да әрқайсысында: «Әузу бииззәтиллаһи уә қудрәтиһи мин шәрри ма-әжиду уә ухазиру деп оқы!», - деп бұйырды. Осман былай дейді:

– Aйтқанындай істедім. Ауруымнан айығып кеттім. (Бостанул-Арифин)

Айша анамыз айтқан:

– Бір жері ауырса Расул Алла (оған Алланың салауаты мен сәлемі болсын) «Фәләқ» және «Нас» сүрелерін оқып мүбәрәк қолына үрлеп, ауырған жерін сипайтын.

Көзі көрмейтін бір кісі Пайғамбарымызға (оған Алланың салауаты мен сәлемі болсын) келіп: «Ия, Расул Алла! Алла Тағалаға дұға ет, көздерім ашылсын», - дейді. Пайғамбарымыз (оған Алланың салауаты мен сәлемі болсын) оған былай дейді: «Жақсылап дәрет ал! Сосын, ия, Раббым, Саған жалынып-жалбарынамын. Сүйікті Пайғамбарың Мұхаммедті (оған Алланың салауаты мен сәлемі болсын) уәсилә етіп (араға қойып), Сенен сұраймын. Ей, ең сүйікті пайғамбарым Мұхаммед (оған Алланың салауаты мен сәлемі болсын)! Сені уәсилә етіп, Раббыма жалбарынамын. Сен үшін дұғамды қабыл етуін қалаймын. Ия, Раббым, осы ұлы Пайғамбарыңды (оған Алланың салауаты мен сәлемі болсын) маған шапағатшы ет. Оның құрметі үшін дұғамды қабыл ете гөр», - де. Ол кісі дәрет алып осылай дұға етті. Сол мезетте көздері ашылды. (Термизи)

«Фатиха», «Аят әл-Курси» және «төрт Қул» (яғни «Кәфирун», «Ықылас», «Фәләқ», «Нас») сүрелерін 7 реттен оқып ауру кісіге үрленетін болса, Алланың қалауымен бүкіл қиыншылықтарға, дерттерге, сиқырға, көз тигенге, жануарлардың тістегеніне, шаққанына жақсы көмектеседі.

Оқылған Құран Кәрімнің және дұғалардың әсер етуі үшін оқып жатқан адам бұған сеніп, науқас харам тағамдар мен күмәнді дәрі-дәрмектен барынша сақтануы керек. Ықыласпен, шын көңілмен тәубе етуі тиіс. Дұға да дәрі сияқты, Алла Тағала қаласа әсер етеді. Шипаны Алла Тағала беретініне сену керек.

Пайғамбарымыз (оған Алланың салауаты мен сәлемі болсын) үш түрлі ем қолданған: Құран Кәрім, дұға оқыған және ғылыммен табылған дәрілерді қабылдаған. Сондықтан дәрігерлерге де қаралу керек. Ол да бір себеп. Алла Тағала барлық нәрсені себеппен жаратып, соларға ден қоюға әмір еткен.

«Иман» журналы, №2, 2017 жыл

ДЕРЕККӨЗІ muftyat.kz

ҚМДБ ресми сайты

Предыдущий	Следующий
ДІНІМІЗДЕ ХЭЛЛОУИН АТТЫ КҮНДІ МЕРЕКЕЛЕП ТОЙЛАУДЫҢ ҮКІМІ	ДЕСТРУКТИВТІ ДІНИ АҒЫМДАРДЫҢ ЖАСТАРҒА ЫҚПАЛЫ
29.10.2022 1050 0	29.10.2022 1618 0

Оқырмандардың пікірі (0)

Қызықты тақырыптар

Әпке-қарындастарға ДӘРЕТСІЗ ЕМІЗІЛГЕН СҮТ

"Мухаммедия" кітабының жазушысы Мұхаммед Языжының Ахмед Бижан деп танылған бауыры бар.

24.05.2022 1 017 0

Әпке-қарындастарға ӘЙЕЛ ӘДЕБІМЕН СҰЛУ

Күллі әлемнің Раббысы Алла Тағала бар жаратылысты асқан сұлулықпен жаратты. Соның ішінде ерекше әдемілікке бөленгені – әйел заты. Әрине көпшілік нәзік жандыларды ерекше ажары мен келбетіне, дене бітіміне қарап «әдемі» деп саралайды. Бірақ шынайы сұлулық әйелдің түрінің бергі бетінде емес, кеудесінің...

17.05.2022 1 567 0

Жаңа мұсылмандар Аиша Робертсон: «Алғашқы Рамазандағы жалғыздығым мені Аллаға жақындата түсті»

Бұл менің он төртінші Рамазаным. Исламды қабылдаған кезімде 27 жаста едім. Сол себепті, Исламды қабылдағанға дейінгі 27 жылда тек қана христиандық мерекелерді атап өтетінмін. Рамазан айы келгенше жаңа қабылдаған дінімді әжептәуір үйреніп қалдым. Әрдайым Ислам дінінің бір мүшесі екенімдігі сезінген с...

16.06.2017 15 461 0

Ислам күнтізбесі Хадиша әпке: «Ораза ұстау мүмкіндігі, ол – Алланың мейірімі»

Алланың қалауымен, дінді жаңадан қабылдаған орыс ұлтты, Мәскеулік мұсылман қыздарының алғашқы Рамазандары жайлы мақалалар топтамасын жалғастырамыз . Қазір өзінің алғашқы ұстаған оразасына қатысты әсері мен алғашқы Рамазан айы жайлы тәжірибесімен Хадиша әпкеміз бөліспек....

27.05.2017 19 584 0

Ислам күнтізбесі Мариям әпке: «Мен үшін Рамазан айы – Аллаға барынша жақындау мен шүкірлік ету уақыты»

Алланың қалауымен, Ислам дінін жаңадан қабылдаған Мәскеулік, орыс ұлтты мұсылман қыздарының алғашқы Рамазандары жайлы мақалалар топтамасын жалғастырамыз. Қазір өзінің алғашқы ұстаған оразасы жайлы ойымен және Рамазан жайлы тәжірибесімен Мәриям әпкеміз бөліспек....

27.05.2017 20 393 0

Ислам күнтізбесі Ислам дінін жаңадан қабылдағандардың Рамазан айы. Фатима: «Мен үшін Рамазан – кереметтерді күтетін ай»

Алланың көмегімен біз, Ислам дінін жаңадан қабылдаған орыс ұлтты мұсылман әпке-қарындастарымыздың өздерінің алғашқы Рамазан айы туралы, алғашқы оразалары жайлы және Рамазан айының оларға қандай әсер қалдырғандығы туралы айтқан әңгімелерін жинақтап, мақала етіп жарияламақпыз. ...

10.06.2016 21 069 0