«АДАМНЫҢ АДАМШЫЛЫҒЫ ҰСТАЗДАН»

04.10.2021 1 849 0

– | A | +

Наурызбай қажы ТАҒАНҰЛЫ,

Қазақстан мұсылмандары діни басқармасының төрағасы, Бас мүфти

Құрметті ұстаздар!

Нұр-Мүбарак университетінде, Имамдардың білімін жетілдіру институтында, медресе-колледжде, мешіт жанындағы діни сауат ашу курсында аянбай еңбек етіп келе жатқан барша дін қызметкерлерін бүгінгі ұстаздар күнімен шын жүректен құттықтаймын.

Алла Тағала сауапты істеріңіздің жемісін көруді нәсіп еткей. Деніңізге саулық, отбасыңызға амандық, ұрпақ тәрбиесіндегі ұлағатты істеріңізге береке тілеймін!

«Адамның адамшылығы ұстаздан» деп Хәкім Абай айтқандай, бойына парасаттылық пен байсалдылық, даналық пен көркем мінез қалыптастыра білген немесе өз саласында белгілі бір жетістікке жеткен кез келген тұлға ұстаз тәрбиесін алып, тәжірибе жинайды. Өмірдің осы бір ғибратты сәттері әркез жалғаса бермек. Өйткені, ұстаздық ету – өз уақытыңды аямау. Аллаға ұнамды істердің барлығына мол сауап жазылады. Солардың ішінде адам тәрбиелеудің маңызы үлкен. Тәрбие ісі – абыройлы жұмыс.

Асыл дініміз Исламда пайдалы білім алудың мәні ерекше. Тіпті, мұсылман ер мен әйелге білім алу – парыз. Дінімізде білім алудың маңызы жоғары болса, хикметті, яғни даналық ілімін үйренудің де орны айрықша.

Пайғамбарымыз Мұхаммед (оған Алланың салауаты мен сәлемі болсын) бір хадисінде: «Білім мен хикмет мұсылмандардың жоғалтқан қазынасы, қай жерден тапса да иемденіп алсын», – деген.

Білім мен хикмет – үлкен нығмет. Бұл хадистен осы нығметті иемденіп алуға ең әуелі мұсылман баласы лайықтырақ екенін аңғарамыз.

Бір хадисте: «Адам қайтыс болғанда амал дәптері жабылады. Мына үш кісінің ғана сауабы жалғаса береді: артынан дұға жолдайтын игі ұрпақ қалдырған, ел игілігіне жарайтын дүние салдырған, артына ілім қалдырған адам» делінген.

Артына ілім қалдырған адам үшін шәкірті әрдайым дұға жасап, жақсылық тілеп жүреді. Сондай азаматтардың қатары көбейсін деп тілейміз.

Алла Тағала барша ұстаздарға жар болып, ізгі амалдарының сауабын еселеп жазғай. Әмин!

ДЕРЕККӨЗІ muftyat.kz

ҚМДБ ресми сайты

Предыдущий	Следующий
ДЕСТРУКТИВТІ ДІНИ АҒЫМДАРДАН САҚТАНЫҢЫЗ!	ҚАЙРАТТЫ ҚАРТТЫҚ ҚҰПИЯСЫ
05.10.2021 4408 0	01.10.2021 3071 0

Оқырмандардың пікірі (0)

Қызықты тақырыптар

Қоғам ЕҢБЕК ЕТ, ЕРІНБЕ

Мақаламызды «Әрекет түбі берекет» деген мақалмен бастауды жөн көрдім. Өйткені мақал қарапайым үш сөзден тұрса да, өмірдің мәнін қамтитын мағынасы бар. Ия, адам баласы дініне ұлтына қарамай егер аянбай еңбек етер болса әрине ол еңбектің қарымын міндетті түрде көреді. Өйткені Алла Тағаланың қойған Ил...

27.09.2021 3 547 0

Қоғам ЕҢБЕК БӘРІН ЖЕҢБЕК

Құран Кәрімде айтқандай әрбір нәрсе адам баласы үшін жаратылып оның әміріне берілгендей, адам үшін өз еңбегінен артық еш нәрсе жоқ. Осылайша біздерге Алла Тағала еңбек етуді бұйыруда. Бірақ та осы аятта айтылғандай дүние үшін еңбек ету, ақырет үшін еңбек ету немесе екуі үшін де еңбек ету мағынасы ба...

23.09.2021 4 213 0

Қоғам ИМАМДАР ЖҰМЫС ІСТЕМЕЙДІ

Иә, қате оқыған жоқсыз. Расында да имамдар жұмыс істемейді. Әсіресе, мен танитын имамдар. Неге екенін айтпас бұрын, сәл шегініс жасайын.

20.09.2021 8 010 0

Қоғам «ӘУМИН» ДЕП АЙТУ ҚАТЕ МЕ?

Алла елшісі (оған Алланың салауаты мен сәлемі болсын): «Маған намазда және дұғада «әмин» (деп айту) нәсіп болды, бұл менен бұрын Мұсадан басқа ешкімге нәсіп болмаған, Мұса дұға қылғанда, Һарун «әмин» деп тұратын. Сондықтан дұғаны әминмен аяқтаңдар. Өйткені Алла сендерден мұны қабыл етеді», – деп өси...

16.09.2021 3 077 0

Қоғам Кешірімділік – ізгіліктің белгісі

Мақтау - Алла Тағалаға ғана лайықты! Оның салауаты мен сәлемі хақ Пайғамбары Мұхаммедке және отбасына болсын. Алла Тағала Құран Кәрімде былай дейді: " ( Мұхаммед) кешірім жолын ұста, туралықты әмір ет, надандардан бет бұр". (Ағраф сүресі 199-аят)....

15.09.2021 4 414 0

Қоғам Кешірім сұрау – күштіліктің белгісі

Отбасы кеңесшісі маманының әңгімесі: "Әкем вестерн актеры Джон Уэйнді ерекше жақсы көретін. Оның барлық фильмдерін сүйіп тамашалайтын. Әсіресе «Нағыз ержүректілік» фильмін ұнататын. Сол фильмде Джонның: «Нағыз ер азамат ешқашан кешірім сұрамайды» деген сөзі бар. Осы сөзді әкем өзіне ұран етіп алды....

15.09.2021 7 822 0