«ИСЛАМ ҚАРЖЫСЫ ТӘЖІРИБЕДЕ» ТАҚЫРЫБЫНДА КЕЗДЕСУ ӨТТІ
Қазақстан мұсылмандары діни басқармасы Төрағасы, Бас мүфти Наурызбай қажы Тағанұлының ҚМДБ жанынан құрылған «Уақып» корпоративтік қайырымдылық қорын дамыту жөніндегі тапсырмасына сәйкес Алматы қаласында «Ислам қаржысы тәжірибеде» тақырыбында кездесу өтті.
Басқосуға қор директоры Азамат Әбдікерімұлы, ҚМДБ Шариғат және пәтуа бөлімінің маманы, РАНТ мүшесі Елбек Тасболатұлы, сондай-ақ ислам қаржысы саласының PhD докторлық дәрежесіне ие халықаралық сарапшы, шейх АбдульБари Миш’аль қатысты. Шейх АбдульБари Миш’аль АҚШ, Таяу Шығыс елдері, Малайзия және өзге де 20-дан астам мемлекетте уақып ісі мен ислам қаржысы бағытында кеңесшілік қызмет атқарып келеді.
Кездесу барысында уақып қорының даму бағыттары, ислам қаржы құралдарын тиімді қолдану тетіктері және халықаралық тәжірибені енгізу мәселелері талқыланды. Сонымен қатар Қазақстандағы уақып жүйесінің қазіргі ахуалы мен оны жетілдіру жолдары жөнінде пікір алмасу болды.
Жиын қорытындысында уақып институтын дамыту және ислам қаржы механизмдерін тәжірибеде қолдану бағытындағы өзара іс-қимылды нығайту мәселелері қарастырылды.
Тақырып бойынша жаңалықтар
Қызықты тақырыптар
Намаз уақыттары 
