САЛАУАТ ЖАРЫСЫ ӨТТІ
Алматы қаласы, Медеу ауданы «Омар ибн әл-Хаттаб» мешітінің ұйымдастыруымен өткен «Адамзаттың асылы-әз Мұхаммед» атты Салауат жарысы өз мәресіне жетті. Жарысқа 70-тен астам қыз-келіншек қатысып, бір апта бойы ардақты Пайғамбарымызға (оған Алланың салауаты мен сәлемі болсын) салауат айтуды өзара жарыса орындады.
Жарыстың басты мақсаты – үмметтің жүрегінде Пайғамбарға (оған Алланың салауаты мен сәлемі болсын) деген сүйіспеншілікті арттыру, салауат айтуды әдетке айналдыру және Алланың мейіріміне бөлену болды. Қатысушылар ынта-жігерімен салауат айтып, Алла Елшісіне (оған Алланың салауаты мен сәлемі болсын) деген сүйіспеншілігін нақты істерімен көрсетті.
Жарыс нәтижесінде нәтижесі бойынша жалпы салауат
саны: 6 243 127 болды. Ең көп салауат айтқан жеңімпаздар арнайы сыйлықтармен марапатталды. Сонымен қатар барлық қатысушыларға мешіт атынан алғыс білдіріліп, сыйлықтар табысталды.
Кеш барысында викториналық сұрақ-жауап ойындары мен уағыз-насихат айтылды.
Жарыс қорытындысында мешіт ұстазы:
«Салауат – мүміннің жүрегін тазартып, рухани тыныштық сыйлайтын ең үлкен қазына. Бұл жарыс – салауатты күнделікті өміріміздің ажырамас бөлігі етуге жасалған қадам», – деп атап өтті.
Қызықты тақырыптар
Намаз уақыттары 
.jpg)
.jpg)
.jpg)
.jpg)
