«РУХАНИ КЕЛІСІМ» КҮНІНЕ ОРАЙ ШАҒЫН ФУТБОЛДАН ТУРНИР ӨТТІ
18 қазан – Қазақстандағы Рухани келісім күніне орай Алматы имамдары шағын футболдан турнир өткізді.
Бұл күн қоғамдағы бейбітшілікті, өзара түсіністікті және әртүрлі ұлт өкілдері мен діни конфессиялар арасындағы татулықты дәріптейтін күн ретінде атап өтілуде. Алматы имамдары арасында ұйымдастырылған шағын футболдан турнирде сегіз аудан имамдары өзара бақ сынасты. Салауатты өмір салтын ұстанатын дін қызметкерлері арасында ойын тартысты өтті.
Турнир қорытындысы бойынша жүлделі орындар:
1- орын: Медеу ауданы;
2- орын: Наурызбай ауданы;
3- орын: Түрксіб ауданы ойыншыларының қанжығасына бұйырды.
Сонымен қатар үздік деп танылған ойыншыларға жаттығу залына сертификаттар табысталды:
Ал «Көрермен көзайымы» - Таған Мэлс, «Үздік қақпашы» - Алибаев Ернат, «Үздік ойыншы» - Әбдіқадіров Бақдаулет деп танылып, бағалы сыйлықтар табысталды.
Тақырып бойынша жаңалықтар
Қызықты тақырыптар
Намаз уақыттары 
