5 ПАРАНЫ ЖАТҚА ОҚУ БОЙЫНША ҚҰРАН САЙЫСЫ ӨТТІ
Алатау ауданы «Қарасай батыр» мешітінде 5 параны жатқа оқу бойынша Құран сайысы өтті.
Жарыста әділқазы алқасы құрамында Инаятулла Мансур қари, Сұлтанбай Назар қари, Макан Айдын ұстаз қарилардың Құранды жатқа айтуына, тажуидпен көркем, қатесіз оқуына аса мән беріп, жеңімпаздарды әділ тағайындады.
Жарыс қорытындысы бойынша 5 парадан:
1-орын Ирисмухаммед Муслим - 100 000 тг;
2-орын Аримджанов Эмиршах - 70 000 тг;
3-орын Абдукаюмов Абдумажит - 50 000 тг;
Және екі қатысушы Көрермен көзайымы атанып 20 000 теңгеден қаржылай сыйлықтарға ие болды.
Жеңімпаздарды Алматы Орталық мешітінің найб имамы Қуаныш Тоқсанбайұлы құттықтап, сертификаттарды табыстап, алда өтетін Құран жарысында сәттілік тіледі.
Жарыс соңында «Қарасай батыр» мешітінің бас имамы Серікбай қажы Ораз қариларға бата беріп, жылы лебізін білдірді.
Тақырып бойынша жаңалықтар
Қызықты тақырыптар
Намаз уақыттары 
