«ҚҰРАН - МӘҢГІ МҰҒЖИЗА» РУХАНИ КЕШ ӨТТІ
ҚМДБ «Әйел-қыздар секторы» Алматы өкілдігі және Алатау ауданы «Д.Қонаев» мешітінің ұйымдастыруымен «Құран - мәңгі мұғжиза» атты рухани кеш өтті.
Рухани кеш Мұхаммед пайғамбарымызға (оған Алланың салауаты мен сәлемі болсын) салауат айтылып, Құран оқумен ашылды. Рухани кештің арнайы қонағы «Бекет ата» мешітінің ұстазы Меруерт Әзімбайқызы сөз сөйлеп, қасиетті Құран жайлы мағлұмат берді. «Құранды оқу және жаттау үлкен дәреже. Бұл іс-шараның негізгі мақсаты да Алланың сөзі, Құранға деген махаббатты арттыру болмақ», - деп атап өтті ұйымдастырушы мешіт ұстазы Ғалия Әділханқызы.
Кеш жүргізушілері қызықты ойындар, сұрақ-жауаптар ұйымдастырумен қатар, поэзия өлең шумақтарынан үзінді оқыды. Әсіресе «Анаға сағыныш» атты қойылым арқылы жүрекке терең ой салып, ата-анаға деген құрметті, Құранға деген махаббатты көрсете білді. Рухани кешке келген әрбір шәкірт өздерінің жүрекжарды лебіздерін білдірді. «Мен дінімді сүйемін, себебі ... », - деп, сөйлемді ары қарай жалғастырып, өз пікірлерін ортаға салды.
Кеш соңында «Д.Қонаев» мешітінің ұстазы Ғалия Әділханқызы Құранға түскен шәкірттерді құттықтап, сауат ашу курсын оқығандығы туралы сертификат табыстады.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
