ҚАДІР ТҮНІНДЕ МЕШІТ ИМАМЫНА АВТОКӨЛІК МІНГІЗДІ

Наурызбай ауданы «Әбу-Бәкір» мешітінде қадір түні қарсаңында ардагер имамға автокөлік сыйға тартылды.
Алматы қаласының бас имамы Төлеби Оспан «Әбу Бәкір» мешітіне барып, жамағатты мың айдан да қайырлы қасиетті қадір түнімен жамағатты құттықтады. Осы мешітте ұзақ жылдар еңбек етіп келе жатқан наиб имам Қалдан Үсенге мешіт және жамағат атынан автөкөлік кілтін табыстады. Қалдан Үсен имам ауыр дертке шалдығып, бүгінде аурумен күресуде. Соған қарамай мешіттегі қызметін атқарып, халық үшін сауапты амалдарын тоқтатқан емес. Имамдық қызмет жолындағы еңбегін ескерген дін қызметкерлері мен жамағат тұрмысына қолдау білдіру мақсатында автокөлік табыстады. Қаланың бас имамы Төлеби Оспан ұйымдастырушы «Әбу Бәкір» мешітінің бас имамы Бақытжан Көптілеуов пен демеуші азаматтарға алғысын жеткізіп, науқас Қалдан Үсен имамның тезірек сауығып кетуіне тілектестік білдірді.