АЛМАТЫ ОРТАЛЫҚ МЕШІТІНДЕГІ ҚАДІР ТҮНІ
Рамазанның 26-нан 27-не қараған қасиетті қадір түнін Алматы жұртшылығы Орталық мешітте қарсы алды.
Қаланың бас имамы Төлеби Дәділұлы Орталық мешітке жиналған жамағатты қадір түнімен құттықтап, ҚМДБ ТӨрағасы Бас мүфти Наурызбай қажы Тағанұлының ысытық ықыласын жеткізді. Мың айдан қасиетті Қадір түніне арнайы бағдарлама жасалып, уағыздар кестесі бойынша насихат жұмыстары жүргізілді. Биыл да қасиетті Қадір түніне жиналған жамағаттың қарасы көп болып, жастар мешіт іші мен ауласына лық толтырды. Бас имам «Қадір түні – мың айдан да қадірлі» тақырыбында уағыз айтып, жиналған жамағатқа қасиетті түнді дәріптеді.
Орталық мешіттің наиб имамы Қуаныш Әбішев, ҚМДБ жанындағы Ислам ғылыми зерттеу Институтының директоры, ф.ғ.к.,доцент Төреәлі Қыдыр, «Таугүл-3» мешітінің бас имамы Ернар Мәжен, «Нұр-Мүбарак» университетінің ұстазы, PhD докторы Сырым Шакизада жамағатқа уағыз-дәріс жүргізді.
Сонымен қатар Орталық мешіттің наиб имамдары мешітке келген көпшілік қауымға викториналық сұрақтар жүргізіп, алғыр жеңімпаздарға сыйлықтар үлестірді.
Алматы Орталық мешітінің бас имамы Төлеби Дәділұлының «Рамазаншыл болма, Құдайшыл бол» тақырыбындағы уағызын жамағат жылы қабыл алды. Сонымен қатар бас имам 31-арна тілішілерінің тікелей эфирдегі жаңалықтар бөліміне және «Алматы ақшамы» газетіне Қадір түнінің қасиеті жайлы сұхбат беріп, мешіттегі қадір түнін қарсы алу жоспарымен бөлісті.
Алматы қаласы әйел-қыздар жамағаты хатым Құран түсіріп, жамағатпен бата жасалды. Сондай-ақ «Рамазан нұр шашқан ай» атты мешіттерді үздік безендіру байқауының жеңімпаздарын марапаттау рәсімі өтті.
Жамағат сауалдарына пәтуа мамандары жауап беріп, еркін ғибадатқа берілген уақытта мешітке келген көпшілік түннің екінші бөлігін жұмыла құлшылыққа арнады.
Мың айдан да қасиетті қадір түнін ғибадатпен өткізуге жиналған жамағатқа Орталық мешітте сәресі бокстары таратылып, көпшілік мешітте ауыз бекітті. Сап түзеп таң намазы оқылып, дұға жасалды. Мешіт ақсақалдары қасиетті Қадір түнінің жақсылығы мен сауабын тілеп, ел тыныштығы мен бірлігі үшін дұға жасады.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
