ДСАК ШӘКІРТТЕРІ ЕМТИХАН ТАПСЫРДЫ

«Нұр-Мүбарак» оқу-әдістемелік мешітінде жазғы діни сауат ашу курсы аясында шәкірттер емтихан тапсырды. Аталған курс – жастардың діни білімін арттыру, фиқһ негіздерін меңгеру және шариғат ілімдерін терең түсіндіру мақсатында ұйымдастырылған.
Жазғы интенсивті оқу барысында шәкірттер Ханафи мазхабының ең құнды мәтіндерінің бірі – Имам Қудуридің «Сауда» және «Неке» тараулары бойынша терең білім алды. Курс соңында 20 шәкірт емтихан тапсырып, қойылған сұрақтарға жауап берді.
Бұл емтихан – шәкірттердің логикалық ойлау қабілетін, фиқһтық үкімдерді түсіну деңгейін және практикалық шариғи білімін бағалауға бағытталды.
«Нұр-Мүбарак» оқу-әдістемелік мешіті алдағы уақытта да осындай мазмұнды курстарды тұрақты түрде ұйымдастырып, жастардың шариғи сауатын арттыруға үлес қосуды көздейді.