АЛМАТЫ МЕШІТТЕРІНДЕ СЕНБІЛІК ШАРАСЫ ӨТТІ
ҚР Президенті Қасым-Жомарт Кемелұлының бастамасымен жүргізіліп жатқан «Таза Қазақстан» жалпыұлттық тазалық акциясына Алматы қаласы бойынша мешіттері атсалысып, мешіттерде тазалық жұмыстарын атқарылды.
Алматы Орталық мешітінен бастау алған тазалық акциясы барысында мешіт ауласынан қоқыстар шығарылып, әрлеу-сырлау, жөндеу жұмыстары жүргізілді. Сонымен қатар өскін ағаштар қысқартылып, жасыл-желек суарылды. Мешіт жамағаты мен дін қызметкерлері белсенділік танытып, мешіт ауласында санитарлық тазалау жұмыстарын жүргізді.
Шараға қатысушы имамдар қоршаған ортаның тазалығын сақтау – мұсылманның иманынан екенін атап өтіп, мешіт аумағындағы қоқыс қалдықтарын жинап, ағаштар мен көгалдарды суарып, тазалық мәдениетін насихаттады.
Айта кетсек, «Таза Қазақстан» жалпыұлттық тазалық акциясына Алматы мешіттері мен жамағаты тұрақты түрде қатысып, жылдың төрт мезгілінде қала тазалығына үлес қосуда.
Алматы өкілдігі бойынша баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
