«100 КҮНДЕ - 100 ШӘКІРТ» ЖОБАСЫНДА ШӘКІРТТЕР МАРАПАТТАЛДЫ
Алматы қаласының бас имамы Төлеби Дәділұлы Бостандық ауданы «Нұр-Мүбарак» мешітінде «100 күнде – 100 шәкірт» жобасы аясында шәкірттерді марапаттау рәсіміне қатысты.
Құранға деген ықылас пен ниет айқын көрініс тапқан іс-шара Қазақстан мұсылмандары діни басқармасының діни сауат ашу курсы шеңберінде ұйымдастырылды. Бұл игі бастамаға 100 ер адам мен 50 әйел адам тұрақты түрде қатысып, Құран әліппесін меңгеріп, қасиетті Құранға түсті.
Бұл жоба – тек әріп үйрету ғана емес, жүректерді Құран нұрымен тәрбиелеу, имани білімге жол ашу болды. «Қысқа мерзім ішінде үлкен нәтижеге қол жеткізу – шәкірттердің ықыласы мен ұстаздардың табанды еңбегінің жемісі», - деп атап өтті бас имам.
Алла Тағала бұл еңбекті қабыл етіп, Құран жолындағы қадамдарды берекелі етсін!

















