Жаңалықтар

Жаңалықтар Azan.kz жаңалықтары АЛМАТЫ ИМАМДАРЫНЫҢ АЛҚАЛЫ ЖИЫНЫ ӨТТІ

АЛМАТЫ ИМАМДАРЫНЫҢ АЛҚАЛЫ ЖИЫНЫ ӨТТІ

01.02.2024 1 421 0

ҚМДБ Төрағасы Бас мүфти Наурызбай қажы Тағанұлының 2024 жылға арналған бағдарлық баяндамасы, мүфтият жоспары мен Алматы өкілдігінің 2024 жылға арналған жұмыс жоспарымен таныстыру жиыны өтті.

Жиынға Алматы қаласының бас имамы Төлеби Дәділұлы және аудан имамдары, өкілдіктің тәртіптік кеңес мүшелері мен шаһар мешіттерінің имамдары қатысты. Қазақстан мұсылмандары діни басқармасының елордада өткен кеңейтілген Төралқа мәжілісінде Бас мүфти Наурызбай қажы Тағанұлы барша дін қызметкеріне бағдарламалық баяндамасын жолдаған болатын. 2024 жылды «Ислам және дәстүр құндылығы» жылы деп жариялап, бес бағыт бойынша, атап айтсақ Дін мен дәстүр, Ізгі қоғам, Ихсан және Насихат, Діни оқу-ағарту, Жат діни ағымдардан сақтандыру бағыттарына басымдық беретінін атап өтті.

Сонымен қатар қаланың бас имамы Төлеби Оспан мүфтият бекіткен тақырыптар аясындағы медиа-жоспар бойынша мақала, видео-дәрістер дайындау,«Уақып» және «Қамқор-Шарапат» жұмыстарын жандандыруды тапсырды. Мүфтият жоспары негізінде қала имамдарының біліктілігін арттыруда хадистен арнайы курстар ұйымдастыру керегін айтты. Сондай-ақ дәстүрлі исламды насихаттауда түрлі іс-шаралар жоспарға енгізілгенін жеткізді. Жиында Алмалы ауданының бас имамы Ерсін Әміре қабылданған пәтуаларды насихаттаудың маңыздылығы жайлы сөз сөйлесе, «Бағдарлық баяндама діни қызметтегі маңызды қадамдар» тақырыбында «Бәйкен» мешітінің бас имамы Болатбек Ұласқанұлы баяндама жасады. Өкілдік жанынан құрылған «Әдеп» кеңесінің атауы «Тәртіптік кеңес» болып өзгертіліп, қызметтік тәртіпті сақтау турасында осы кеңестің мүшесі Бекзат Сыздықов сөз сөйледі. Айтулы шаралар мен қайырымдылық бағыты бойынша жауапты маман Көптілеуов Бауыржан алдағы жоспарлармен бөлісті.
«Бас мүфти биылғы жылды діни қызмет аясында «Ислам және дәстүр құндылығы» жылы деп жариялады. Бұл бастама дәстүрлі дінімізді, ата-бабамыз сан ғасырдан бері ұстанып келген діни жолымызды, төл мәзһабымызды, ұлттық құндылықтарымыз бен қазақы болмысымызды дәріптеуге серпін береді деп сенемін. Сол жолда асыл дінімізді дәріптеуге және қала имамдарын ұйымшылдықпен қызмет атқаруға шақырамын», - деді қаланың бас имамы Төлеби Оспан.

Алматы өкілдінің баспасөз қызметі

ДЕРЕККӨЗІ Azan.kz

Ислам ақпараттық-ағарту порталы

Тақырып бойынша жаңалықтар

ҚАЗҰУ УНИВЕРСИТЕТІНЕ «MUFTІYAT» БАСПАСЫНЫҢ ӨНІМДЕРІ СЫЙҒА БЕРІЛДІ

Алматы қаласы, Наурызбай ауданы «Әбу Бәкір» мешітінің ұйымдастыруымен «Әл-Фараби» атындағы Қазақ Ұлттық университетіне ҚМДБ «MUFTІYAT» баспасынан шыққан кітаптар сыйға берілді....

21.08.2024 431 0

ЖАСӨСПІРІМДЕР АРАСЫНДА VІ РЕСПУБЛИКАЛЫҚ ҚҰРАН ЖАРЫСЫ ӨТТІ

Алматы Орталық мешітінің ұйымдастыруымен жасөспірімдер арасындағы VІ республикалық Құран жарысы өтті.

21.08.2024 1 067 0

ИМАМДАРҒА АРНАЛҒАН ҚҰРАН КУРСЫНЫҢ 3-КЕЗЕҢІ АЯҚТАЛДЫ

ҚМДБ Алматы өкілдігінің ұйымдастыруымен имамдарға арналған 3 айлық Құран курсының 3-кезеңі аяқталды.

03.07.2024 831 0

ЖАЗУШЫ ДУЛАТ ИСАБЕКОВ ОРТАЛЫҚ МЕШІТТЕ

Қазақстанның Еңбек ері, ҚР Мемлекеттік сыйлығының және Тәуелсіз Қазақ ПЕН-клубы мен платиналы «Тарлан» сыйлықтарының, «Достық», «Құрмет» орденiнің иегері. Қазақстанның Құрметті жазушысы Дулат Исабеков Алматы Орталық мешітін зиярат етті....

27.06.2024 679 0

БАС ИМАМ ҚАЙЫРЫМДЫЛЫҚ ШАРАСЫНА ҚАТЫСТЫ

Алматы қаласының бас имамы Төлеби қажы Дәділұлы Алатау ауданы «Д.Қонаев» мешітіндегі қайырымдылық шарасына қатысты.

19.06.2024 976 0

ҚҰРБАН АЙТ-2024: БАСПАСӨЗ МӘСЛИХАТЫ ӨТТІ

Бүгін Алматы өкілдігі Орталық мешітте баспасөз мәслихатын өткізіп, биылғы Құрбан айт жоспарымен бөлісті.

13.06.2024 1 402 0

Тағы көрсету

Оқырмандардың пікірі (0)

Қызықты тақырыптар

ТҮРКІСТАНДА «ИСЛАМ ЖӘНЕ ДӘСТҮР ҚҰНДЫЛЫҒЫ» КОНФЕРЕНЦИЯСЫ ӨТТІ (ФОТО)

Бүгін Түркістан қаласында Қазақстан мұсылмандары діни басқармасының ұйымдастыруымен «ИСЛАМ ЖӘНЕ ДӘСТҮР ҚҰНДЫЛЫҒЫ» тақырыбында республикалық конференция өтті.

31.01.2024 658 0

ТҮРКІСТАНДА ИСЛАМ ИНСТИТУТЫ АШЫЛАДЫ

Түркістан қаласында имамдардың білімін жетілдіруге арналған Ислам институты ашылады. ҚМДБ Төрағасы, Бас мүфти Наурызбай қажы Тағанұлы Түркістан облысының әкімі Дархан Сатыбалдымен болған кездесуде осындай келісімге келді....

31.01.2024 625 0

ДІН ҚЫЗМЕТКЕРЛЕРІ АҚПАРАТТЫҚ ТҮСІНДІРУ ЖҰМЫСЫН ЖҮРГІЗДІ

Алматы қаласы Алатау ауданы «Бекет ата» мешітінің бас имамы Амантай Садиев және мешіт ұстазы Азамат Нұғманұлы Алматы қаласы «Шаңырақ» шағын ауданы олимпиада резервінің республикалық мамандандырылған мектеп-интернат колледжі республикалық мемлекеттік мекемесінің оқушылары арасында ақпараттық түсіндір...

29.01.2024 1 103 0