Қазақстан мұсылмандары діни басқармасы жақында құрбан шалу рәсімін қашықтан өткізуге арналған qurban2024.kz сайтын іске қосты. Бұл жобаның тиімділігі неде?
– Мүфтият пандемия кезінде құрбан шалудың онлайн жүйесін іске қосты. Пандемиядан кейін де осы жүйенің тиімді екенін айтып, өтініш білдіргендер болды. Сөйтіп азаматтарымызға оңтайлы болу үшін құрбан шалу рәсімін қашықтан өткізуге арналған сайт іске қосылды.
Бұл жоба өз тиімділігін кәрсетті. Сондықтан биыл да құрбан шалу рәсімін қашықтан өткізуге арналған qurban2024.kz сайтын іске қосылды. Құрбандықты қашықтан шалғысы келетін азаматтар осы сайт арқылы құрбандық малын таңдап, құрбан шалуына болады. Бұл жоба, әсіресе, үлкен қалаларда тұратын жамағатқа тиімді. Қой мен ешкіні – жеке адам, ірі қара мен түйені бір немесе 7 адам бірігіп шалса болады. Құрбандық шалынған соң оның фото және бейне есебі тапсырыс беруші көрсеткен нөмірге жіберіледі. Жоба жайлы толық мәліметті qurban2024.kz сайтынан алуға болады. Сондай-ақ арнайы дайындалған бейненұсқаулықта жобаға қалай тапсырыс беруге болатыны көрсетілген.
Ал qurban2024.kz сайты туралы айтар болсақ, Құрбан айт күндері сайт еліміздің барлық өңірі бойынша қызмет көрсетеді. Сайт жұмысына республика бойынша жауапты адамдар бекітілді. Техникалық мамандар тапсырыс-өтініш қабылдаса, қасапшылар тобы құрбан шалады. Операторлар құрбан шалу сәтінен видео мен фотоесеп дайындаса, мамандардың енді бір тобы штабтың жұмысын сайтқа шығарады. Сондай-ақ еріктілер мұқтаж отбасыларға тізім бойынша құрбандық етін таратады.
 Предыдущий |
Следующий |
| ҚҰРБАН АЙТ – ҰЛЫҚ МЕРЕКЕ | Құрбандықты кімнің атынан шалған дұрыс? Тірі адамның ба, әлде өмірден өткен кісінің бе? |
Тақырып аясындағы мақалалар
Қызықты тақырыптар
Намаз уақыттары 
