Жолаушы кезде сүннет намаздар оқыла ма?

20.01.2020 7 272 0

– | A | +

Ассалаумағалейкум! Сапар кезінде сүннет намаздар окыла ма? Толығырак айтып жіберсеңіз!

Жандарбек

Уағалейкумуссәләм уә рахматуллаһи уә бәракәтуһ!

Сахаба Абдулла ибн Омар (р.а.) былай деген:

«Мен Пайғамбармен де, Әбу Бәкірмен де, Омар және Османмен де сапарлас болдым. Олар бесін мен екінтіні екі рәкәғаттан, екі рәкәғаттан оқитын да, одан бұрын не одан кейін намаз оқымайтын»[1].

Осы хадистен сапар кезінде сүннет намаздарын оқымауға рұқсат екендігін ұғынамыз. Бұдан басқа хадистерде Алла елшісінің жолаушы кезінде сүннет намаздарын оқығандығы айтылады.

Мәселенки сахаба Абдулла ибн Аббастан жеткен мына бір хадисте жолаушы кезде де сүннеттерді оқылатындығын аңғару қиын емес:

«Алла елшісі (с.а.у.) жолаушы емес кезде оқылатын намазды және жолаушы кезде оқылатын намазды парыз етті. Біз жолаушы емес кезде одан (парыздан) бұрын да, кейінде намаз оқитынбыз. Жолаушы кезде де солай: одан (парыздан) бұрын да, кейін де намаз оқитынбыз»[2].

Осындай хадистерді талқылай келе: жолаушы кезінде сүннет намаздарын оқымауға рұқсат, бірақ оқыған адамға үлкен сауап бар дейді ғалымдар. Кей ғалымдар «сүннет намазды жол үстінде кетіп бара жатқанда оқымайды, тоқтағанда оқиды» деген, яғни мүмкіндік болғанда оқиды деген мағынада.

Тоқ етерін айтқанда, жолаушы кезде мүмкіндік болса сүннет намаздарды оқыған абзал, оқымаған адамға күнә жоқ.

Бірақ, таң намазының сүннетін жолаушы кезде де тастауға болмайды. Алла елшісі бұған қатысты: «Аттарың қашып бара жатса да таң намазының екі рәкәғатын тастамаңдар» деген[3]. Хадисте «аттың» тілге алынуы - жолаушы кезде де таң намазының сүннетін тастамау керектігіне ишара[4].

[1] Сахиху Ибни Хузейма: №947 хадис.

[2] Ибн Мәжә: Сүнән. №1072 хадис.

[3] Әбу Дәуід: Сүнән; Ахмәд ибн Хәлбал: Мүснәд.

[4] Иълә әс-сүнән: 7/330 бет.

Абдусамат Қасым

Предыдущий	Следующий
Абай. «Китаб тасдиқ» немесе қазақ білмеген тарих	Құранда құстар жайлы не делінген?
21.01.2020 6796 0	17.01.2020 9477 0

Оқырмандардың пікірі (0)

Қызықты тақырыптар

Сұрақ-жауап Хазіреті Айша неше жасында тұрмысқа шыққан?

Ең әуелі ескеретін дүние – Айша анамыздың (р.а.) жасы жөнінде бірауызды тұжырым жоқ. Соңғы кездері хақ дін исламды қаралаушылар тарапынан «сеніп жүрген пайғамбарларың Айшаны тым жас кезінде некесіне алған…» деген мазмұндағы азғырынды сөз көп айтылып жүр. Бұл – әрине, мәселенің байыбына бармаған, мән...

26.11.2019 27 390 0

Сұрақ-жауап KFC «ҚМДБ Халал» сертификатын қайта алды ма?

Халал өнімдерін стандарттау бөлімі 2018 жылдың 12 желтоқсанында The Caspian International Restaurants Company компаниясына тиесілі KFC ресторандар желісіне берілген «ҚМДБ халал» сертификатын қайтарып алған болатын. Басты себеп – «ҚМДБ халал стандарты» талаптарының сақталмауы....

21.11.2019 7 165 0

Сұрақ-жауап Әйел адам марқұмдарға Құран оқып бағыштай ала ма?

Бұл – қайырлы іс. Өйткені Алланың елшісі (с.ғ.с.) бір күні сахабалардың арасында тұрып: «Адам баласы қайтыс болған кезде, оның барлық амалы тоқтайды. Тек үш амалы ғана жалғасып тұрады» — дейді....

19.11.2019 17 934 0

Сұрақ-жауап Қазақ балалары қандай ойыншықпен ойнады?

Әрине, ол заманда жарыған ойыншық болмағаны белгілі. Төңкеріс болды, аштық болды, соғыс болды, балалар ерте есейді. Алайда, соның өзінде бала мен ойыншық бір-бірінен ажырамағанын байқаймыз. Бәріміз бұрынғы балалардың ойыны дегенде асық, тоғызқұмалақ, дойбыны ғана білеміз. Ал қуыршақтардан ше?...

14.11.2019 7 035 0

Сұрақ-жауап Қазақ балалары қандай ойыншықпен ойнады?

14.11.2019 6 314 0

Сұрақ-жауап Мәуліт бидғат па?

Пайғамбарымыз Мұхаммедтің (с.а.у.) туылған күнін – қасиетті мәулітті мереке ретінде атап өтудің дінімізде үкімі қандай? Кейде мәуліт мерекесінің «бидғат», яғни, дінімізге кейіннен қосылған қате, тіпті күнә амал екендігі айтылып жатады. Осының ара-жігін ажыратып берсеңіз....

11.11.2019 6 626 0