Құран жайлы 40 хадис: 11-ХАДИС
Он бірінші хадис
عَنْ سَهْلِ بْنِ مُعَاذٍ الْجُهَنِيِّ عَنْ أَبِيْهِ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: "مَنْ قَرَأَ الْقُرْآنَ وَعَمِلَ بِمَا فِيهِ أُلْبِسَ وَالِدَاهُ تَاجًا يَوْمَ الْقِيَامَةِ ضَوْءُهُ أَحْسَنُ مِنْ ضَوْءِ الشَّمْسِ فِي بُيُوتِ الدُّنْيَا لَوْ كَانَتْ فِيكُمْ فَمَا ظَنُّكُمْ بِالَّذِي عَمِلَ بِهَذَا" (رواه أبو داود، والحاكم).
Сәһл ибн Мұғаз әл-Жуһаниден, ол әкесінен: «Алла елшісі (Алланың оған салауаты мен сәлемі болсын): «Кім Құранды жаттап ондағы бұйрыққа амал етсе, Қиямет күні оның ата-анасына тәж кигізіледі. Ол тәждің жарығы мына дүние үйлеріне түскен күннің жарығынан да, тіпті сендердің үйлеріңе түскен күннен де жақсырақ. Ал енді Құранға амал еткен адам туралы ойларың қандай?» – деген» (Әбу Дәуд, әл-Хаким)[1].
[1] «Сунан Әбу Дәуд», «Намаз» бөлімі, «Құран оқудың сауабы» тарауы, (1453). Хафиз әл-Мунзири, «Мұхтасар Сунан Әбу Дәуд», «Намаз» бөлімі, «Құран оқудың сауабы» тарауы, (1403). Әл-Хаким, «Әл-Мустадрак», «Құранның артықшылықтары», «Сүрелер мен аяттардың артықшылығы», (2085). «Муснад имам Ахмад», «Меккеліктердің муснады», «Мұғаз ибн Әнас әл-Жуһанидің хадисі», (15645). «Муснад Әбу Яғла», «Мұғаз ибн Әнастың муснады», (1493). Әт-Табарани, «Әл-Муғжам әл-кабир», «Мим» бөлімі, «Мұғаз ибн Әнас әл-Жуһани», (445). Әл-Байһақи, «Шуғаб әл-иман», «Құранды қастерлеу», «Құран үйрену» туралы тарау, (1797).
Хадистің мағынасы: Құран оқудың сауабына қари ғана кенелмейді, онымен қатар ата-анасы да сауапқа кенеліп, Қиямет күні жарығы күннің жарығынан да күштірек тәж кию құрметіне ие болады. Ал Құранды оқып әрі оған амал жасаған қаридің сауабы өте үлкен болмақ. Сондықтан жас кезінде Құран жаттай алмаған ата-аналар осындай үлкен сауапқа қол жеткізу үшін балаларын Құран жаттауға баулысын.
Кітаптың авторы: Ғұлама Мулла Али ибн Сұлтан Мұхаммед әл-Қари (1014 һ.ж.)
Хадистерді талдап, түсініктеме берген: Махмуд Шакур ибн Махмуд әл-Хажи Әмрир әл-Маядини
Қазақ тіліне аударған: Ержан Оразов
 Предыдущий |
Следующий |
| ИХСАН дегеніміз... | Ұрпақ тәрбиесінде баланың жан дүниесімен санасу |
Қызықты тақырыптар
Намаз уақыттары 
