Құран және Ғылым: Жалғаншы әрі күнәһар КЕКІЛ
Алла Тағала Құран Кәрімде Қағбада намаз оқып жатқан Мұхаммед пайғамбарға (оған Алланың игілігі мен сәлемі болсын) қастық қылмақ болған адам туралы мынадай аяттар түсірген:
كَلَّا لَئِنْ لَمْ يَنْتَهِ لَنَسْفَعَنْ بِالنَّاصِيَةِ (15) نَاصِيَةٍ كَاذِبَةٍ خَاطِئَةٍ (16)
«Жоқ! Егер ол тыйылмаса Біз оның кекілінен ұстап аламыз, жалғаншы әрі күнәһар кекілінен» (Алақ сүресі, 15-16 аяттар).
Неліктен Құран Кәрім бастың алдыңғы кекіл тұратын бөлігін жалғаншы әрі күнәһар деп сипаттайды? Неліктен Құран адамның өзін жалғаншы әрі күнәһар деп айтпаған? Әлде бастың алдыңғы бөлігі мен жалғандық, күнәһарлық деген сипаттардың арасында әлдеқандай бір байланыс бар ма еді?
Расында да егер біз адамның бас сүйегінің алдыңғы бөлігін ашып қарайтын болсақ, онда мидың алдыңғы бөлігін көрер едік. Мидың осы ауданының қызметі жайында бізге физиология ғылымы не дер екен? «Анатомия мен физиологияның негіздері» атты кітапта мидың аталмыш бөлігінің қызметі жайында мәлімет бар:
- «Алғашқы іс-әрекеттерді машықтау, жоспарлау маңдайдың алдыңғы бөлігінде жүргізіледі. Бұл жер мидың басқару ауданы».
- «Мидың маңдай бөлігі машықтау ісімен бірге шабуылды да ұйымдастыратын орталық болып табылады».
Осылайша мидың осы бөлігі жақсы да, жаман да істерді жоспарлауға, машықтауға және орындауға, соның ішінде жалғандық пен шындыққа да жауапты болады екен.
Демек, Құран аятындағы «жалғаншы әрі күнәһар кекілінен» деген анықтама мидың маңдай бөлігінің қызметімен сай келіп тұр. Батыстық профессор Кейт Мурдың айтуынша Құран Кәрімде айтылып кеткен мидың осы маңдай бөлігінің қызметі туралы ғылыми зерттеулерін ғалымдар соңғы алпыс жылда ғана жасаған.
С.Ибадуллаевтың «Алла Тағаланың мұғжизалары»
кітабы бойынша әзірлегенді
 Предыдущий |
Следующий |
| Мәтуриди ақида мектебіне шолу | Ақида ілімі – Матуриди және Әшғари мектептері |
Қызықты тақырыптар
Намаз уақыттары 
