Харам заттарды сатуға бола ма? / ҚМДБ пәтуасы

15.08.2019 14 729 0

– | A | +

Мас қылатын ішімдіктерді, шошқа еті, аққан қанды ішіп-жеу және пұттарды қолдану шариғатта халал болмағаны[1] секілді, оның саудасы да халал емес. Мұсылман емес адамға харам затты сату дұрыс болғанда, Пайғамбарымыз (оған Алланың салауаты мен сәлемі болсын) сатып, пайдалануға рұқсат берер еді.

Пайғамбарымыз (оған Алланың салауаты мен сәлемі болсын): «Алла бір қауымға қандай да бір нәрсені жеуге тыйым салса, оның құнына (саудасына) да тыйым салған болады»[2], – деген.

Сол себепті фиқһ ғалымдарының көзқарасы бойынша мұсылманның өзі сияқты мұсылманға немесе мұсылман емес адамға харам затты сатуы дұрыс емес. Өйткені, сауда-саттық – екі жақты келісім. Заттың қолданылуы бір жаққа дұрыс болып, екінші жаққа дұрыс болмаса да, оның үкімі өзгермейді. Мұсылман үшін сауданың заңды (шариғатта рұқсат етілген) болуы тауардың исламда халал немесе халал еместігіне байланысты[3].

Пайғамбарымыз (оған Алланың салауаты мен сәлемі болсын) сахабаларға қандайда бір заттарды харам еткенде, оны мұсылман емес адамдарға сатып пайдаланбауды да ескерткен.

Пайғамбарымыз (оған Алланың салауаты мен сәлемі болсын): «Расында, Алла және Оның Елшісі арақ, өлексе, доңыз еті және пұттарды харам етті», – деді. Сонда олар: «Уа, Алланың Елшісі! Өлген малдың майы жайында не дейсіз? Өйткені онымен кемелерді сылайды, терілерді майлайды, адамдар оны шам жағуға қолданады», – деді. Ол (оған Алланың салауаты мен сәлемі болсын): «Жоқ, болмайды, ол – харам», – деді[4].

Тағы бір хадисте: «Бір кісі Алла Елшісіне ішімдікті сыйға тартып жатқанда, оған: «Алла мұны харам еткенін білемісің?» – деді. Ол кісі: Жоқ, деп бір адамға сыбырлады. Алла Елшісі (оған Алланың салауаты мен сәлемі болсын): «Оған не айттың?» – деді. Ол кісі: «Оны сатуды тапсырдым», – деді. Пайғамбарымыз (оған Алланың салауаты мен сәлемі болсын): «Ішуді харам еткен Алла оны сатуды да харам етті», – деді[5].

ҮКІМ:

Исламда нақты шешіммен харам етілген затты мұсылманға да, мұсылман емес адамға да сату дұрыс емес. Одан түскен табыс мұсылман үшін харам болып саналады.

[1] «Маида» сүресі, 3-аят, «Анғам» сүресі, 145-аят, Муснад Ахмад ибн Ханбәл, 22/378.

[2] Сунән Әбу Дәуіт, Сауда-саттық бөлімі, 66-бет.

[3] «Әл-мухит әл-бурһани», Ибн Мазәһ, 6/349.

[4] Сахих Бухари, Сауда-саттық бөлімі, 112-бет.

[5] Сахих Муслим, Мусақат бөлімі, 12-бет.

ҚМДБ Пәтуа бөлімі

Предыдущий	Следующий
Ерлі-зайыптылар білуі тиіс зікірлер мен дұғалар	Бас имам: Қасиетті құрбан айт құтты болсын!
19.08.2019 19045 0	10.08.2019 10520 0

Тақырып аясындағы мақалалар

Пайым-парасат АДАЛ АС – ЖАНҒА ШИПА

Тағам – адамның дене жасушаларын қажетті қоректік заттармен қамтамасыз етіп, ағзаның дұрыс өсуі мен дамуына тікелей әсер ететін негізгі қажеттіліктің бірі. Адам баласының туу және өліміне дейінгі барлық өмірлік циклі тікелей тағаммен байланысты....

14.11.2023 1 534 0

Алланы зікір ету САУДАҢЫЗДЫ БЕРЕКЕЛІ ЕТЕТІН ДҰҒАЛАР

Бір іске кіріскенде (мысалы, сауда-саттық, диқаншылық немесе үй салу т.б.) бұл дұғаның көп пайдасы бар: «Раббәнәә әәтинәә мил-ләдункә рахмәтәу-уа һәййи ләнәә мин әмринәә рашәдә» («Кәһф» сүресі, 10-аят.)...

22.10.2018 368 263 0

Оқырмандардың пікірі (0)

Қызықты тақырыптар

Сұрақ-жауап Пойызда, ұшақта, кемеде және басқа да қатынас көліктерінде намаз қалай оқылады? / ҚМДБ пәтуасы

Намазды ешбір себепсіз қаза қылуға болмайды. Сондықтан пойызда, ұшақта, не автобуста болсын, парыз және уәжіп намаздарды қалдырмай оқу керек.

06.08.2019 33 007 0

Сұрақ-жауап Мәһрге не беруге болады? / ҚМДБ пәтуасы

Мәһір – әйел затының неке қияр алдында күйеуінен талап етуге құқылы шариғат белгілеген ақысы.

29.07.2019 48 883 0

Сұрақ-жауап Қағбадан басқа үйді тәуап етуге бола ма? / ҚМДБ пәтуасы

Шариғат бойынша қасиетті орындарды, қабірді зиярат етуге, зиратта жатқан марқұмдарға сәлем беріп, дұға жасауға рұқсат етіледі, бірақ оны айналып, тәуап ету, қабірге қарап намаз оқу, аруақтан көмек сұрау және дінде айтылмаған басқа да іс-әрекеттерге бару дұрыс емес. ...

23.07.2019 11 929 0