Айналаңызға назар салыңыз, бәлкім Алланың ескертуін көрерсіз...
Рамазан айының қадір-қасиеті жайлы көп айтылып жатыр. Мұхаммедтің (оған Алланың игілігі мен сәлемі болсын) үмметі үшін қасиетті болған бұл айдың қарсаңында біз Алла Тағаланың тек мұсылмандарға ғана беретін сыйын алуға дайындалу үстіндеміз. Рамазанның келуімен мұсылмандар бір жамағат жағадан бас, бір жеңнен қол шығарып, ауызбіршілікте жүреді: ауыз ашарларда бірге болады, тарауық намазында бірге тұрады, бауырлары мен әкпе- қарындастарымен амандасып, жақсы тілектер айтысып, дұғалармен жүректерін нақыштайды...
Әр күнгі намаздан соң жамағат тарасып кетеді. Әркім өз отбасына, бірі жұбайына, балаларына... осылайша әрқайсымыз ертеңгі күннің жоспарымен асыға жөнелеміз.
Егер бауырларымызбен біраз сауап жинамақ болып ниет етпегенде осы түні біз де дәл осылай тарқасар едік. Жоспардағы ісімізді орындаған соң түнгі сағат екіге таяу қалғанда мына көрініс назарымызды өзіне аударды: қолында сәбиі бар көшедегі әйел...
Жас сәбиімен түннің бір уақытында көшеде қалуының маңызды себебі бар екендігін түсініп, біз әлгі әйелден сұрамақ болдық. Сұрай келе, әлгі әйелдің осындай жағдайда жүргелі біраз уақыт болғандығын білдік. Күйеуі көлік апатынан қайтыс болған соң, туыстары онымен қарым- қатынасты үзген екен. Бұл әйелдің басындағы жайт біздің қоғам үшін қарабайыр жағдай болса да осынау Рамазан айында бұл жағдайды көру өте ауыр болды. Қаншама мұсылмандар бұл айда сауапты амалдар жасауды жоспарлауда: міскінді тойдырып, садақа, зекет бермекші. Мешітке келіп: «Мұқтаж жандар бар ма?»,- деп сұрайды.
Осы оқиға болардан бірнеше сағат бұрын бір бауырымыз менен келіп: «Садақаны кімге берсем болады, мұқтаж жандарың бар ма, сен білетін»,- деп сұраған еді. Бұдан қандай нәтиже шығарамыз? Біз мұқтаждарды айналамыздан емес, таныстарымыздан іздейтін болдық па? Алматының әрбір мешітінің бұрышында иман жүзді жандардың мейірімі мен көмегіне мұқтаж жандар барына сенімдімін.
Егер бүгін садақа бере алмай қалсаңыздар, келесі таруық намазына ала шығыңыз, мүмкін сіз үшін мұнда қайыр бар шығар. Бәлкім Алла Тағала сізді ұстаған оразаңыз үшін емес, оқыған тарауық намазыңыз үшін де емес, дәл осы бір амалыңыз – мешіттің қақпасында тұрған адамға я болмаса сәбилі әйелге берген садақаңыз үшін күнәңізді кешіріп, сауапқа кенелтер.
Егер бүгін садақа бере алмай қалсаңыздар, келесі таруық намазына ала шығыңыз, мүмкін сіз үшін мұнда қайыр бар шығар. Бәлкім Алла Тағала сізді ұстаған оразаңыз үшін емес, оқыған тарауық намазыңыз үшін де емес, дәл осы бір амалыңыз – мешіттің қақпасында тұрған адамға я болмаса сәбилі әйелге берген садақаңыз үшін күнәңізді кешіріп, сауапқа кенелтер.
Алланың қалауымен, бауырларымыз бұл әйел кісіге жәрдем береді. Бұл жерде «намазхан ба, намазхан емес па?» деген сұрау маңызды емес. Бәлки, бір адам мұсылманның жәрдеміне мұқтаж- ау деп түсіну маңызды. Бәлкім сол адамның себебімен Алла Тағала ол жанның жүрегін Исламға ашар.
Біздің әрқайсымыз мешіттен шыққанда көлік тұрағына я болмаса автобусым кетіп қалмасын деп аялдамаға қарай асыққанша, ертең садақасымен я болмаса жылы сөзімен болса да көмек беретін, тіпті мен дұғаммен болса да жәрдем беретін мұқтаж жандар бар ма екен деген мұсылманшылық көзбен айналасына қараса екен дейміз.
Жақсылық жасаушы деген ат үшін емес, жай ғана бауырларымыз бен әкпе- қарындастарымызға: «Айналаңызға назар салыңыз, мұқтаж жан бар шығар» деп ескерту жасағымыз келеді. Мешіт маңында қайыр сұрап жүрген қаншама жандар бар. Егер мұқият болсаңыз, жалған тіленшілердің арасынан шынымен де сіздің көмегіңіз бен қолдауыңызға мұқтаж жанның бар екенін көресіз.
 Предыдущий |
Следующий |
| Тақлид жайлы | Шарапаты мол шағбан айы |
Тақырып аясындағы мақалалар
Адамзат баласына жарық шамшырақ болған Ислам діні бүгінгі қоғамға мейірімділік пен жақсылықтың, қайырымдылық пен ізгіліктің жарқын үлгісін көрсетуді бұйырады. Қазіргі қоғамда қайырымды жандардың көмегіне зәру, жақсылығына мұқтаж адамдардың ішіндегі ерекше топ ретінде жарынан айырылып, тұрмыстың қиы...
Асыл дініміз күллі адамзат баласын татулық пен достыққа, бірлік пен жанашырлыққа шақырып қана қоймай, осы ізгі қасиеттерді қоғамға мейлінше көбірек таратуды бұйырады. Қоғамды ізгілендіруге ықпал ететін игі амалдың бірі – қайырымдылық жасау, садақа беру....
Один наш знакомый, некогда прожигатель жизни, балагур и кутила, рассказывал, что готовясь к Рамадану впервые, не мог представить себе, как можно с нетерпением ждать этот месяц – месяц жажды и голода, лишения и тягот. Таким было его отношение к Рамадану прежде, чем он решился на этот шаг......
Мусульманам следует забыть о плохих моментах из прошлого, и думать о хороших вещах, с надеждой на лучшее. Попытки изменить прошлое – ничто иное, как бесполезная и безумная трата времени. ...
Жуткие истории о том, как находят трупы нежеланных детей заполонили средства массовых информаций. Их находят то в мусорном баке, то на стройке, в туалете либо просто на улице. При этом все больше молодыми матерями становятся старшеклассницы....
Бүгін Алматы қаласы Орталық мешітінде «Жүректерге жылу сыйлаймыз» атты қайырымдылық акциясы болып өтті. Жыл басынан қолға алынған бұл шара, расында, көңілдерге шуақ сеуіп, жүректерге жылу сыйлады....
Намаз уақыттары 
