ЗАҒИП ЖАНДАР ҚҰРАН КУРСЫН АЯҚТАДЫ
ҚМДБ Алматы орталық мешітінің жылдық жоспары аясында әрі «Ислам және адал қоғам» жылы аясында Нұр-Мүбарак оқу-әдістемелік мешітінде көру мүмкіндігі шектеулі зағип жандарға арналған арнайы білім беру курсы өткізілді.
Аталған курс аясында қатысушылар қасиетті Құран Кәрімді Брайл әліпбиі, яғни арнайы нүктелік жазу жүйесі арқылы оқуды меңгерді. Сонымен қатар олар ислам дінінің негізгі қағидалары мен шариғат ілімдерінен де дәріс алып, рухани білімдерін тереңдетуге мүмкіндік алды.
Зағип жандардың білім алуына қолайлы жағдай жасау мақсатында Нұр-Мүбарак мешіті курс қатысушыларын жатақханамен қамтамасыз етіп, олардың тамақтану шығындарын да толықтай өтеді.
Курс соңында дін қызметкерлері сертификаттар табыстап, алдағы күндерге амандық пен сендік тілеп бата жасады.
Тақырып бойынша жаңалықтар
Қызықты тақырыптар
Намаз уақыттары 
