«УАҚЫП - ЖАРИЯ САДАҚА» АТТЫ СЕМИНАР ӨТТІ
Бас мүфти Наурызбай қажы Тағанұлы хазреттің бекіткен жылдық жоспары аясында «Нұр Мүбәрак» университетінде ҚМДБ «УАҚЫП» қорының жұмысын таныстыру мақсатында «Уақып – жария садақа» атты семинар өтті.
Семинарда Алматы қаласының бас имамы Төлеби қажы Дәділұлы және ҚМДБ «Уақып» корпоративтік қайырымдылық қорының директоры Азамат Әбдікерімұлы баяндама оқыды. Қаланың бас имамы «Діни мамандардың Уақып қоры жұмысы жайлы сауатты болуы» тақырыбындағы баяндамасында «жария садақаның» ең көркем әрі тұрақты түрі - уақып екенін кеңінен түсіндірді. Сондай-ақ, Бақара сүресінің 261-аятында: «Алла жолында мал-мүлкін садақа қылғандар жеті дана бас шығарған, әрбір басында жүзден дәні бар дақылға ұқсайды. Алла қалаған пендесіне еселеп сауап береді» - деп, Алла жолында жасалған садақаның еселеп сауап болып қайтатынын түсіндіріп, бұл аят уақып арқылы жасалған қайырымдылықтың маңызын жеткізді.
ҚМДБ «Уақып» корпоративтік қайырымдылық қорының директоры Азамат Әбдікерімұлы «Уақыптың түрлері және Құран Кәрімді уақып ету» тақырыбында баяндама оқыды. Сонымен қатар «Уақып» мәдениетін қалыптастырудағы дініи мамандардың рөлі, қазіргі Қазақстандағы уақып жүйесінің дамуы жайлы айтты.
Семинар мақсаты діни мамандықты меңгеріп жатқан студенттерге Уақып жайлы сауатын ашып, Уақып дін қызметінің дамуына тікелей әсер етуші құрал екенін жеткізу болды.
Алматы өкілдігі бойынша баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
