ҚАЗҰУ ДА «ИСЛАМ ЖӘНЕ ОТБАСЫ ҚҰНДЫЛЫҒЫ» ДӘРІПТЕЛДІ
Бас мүфти Наурызбай қажы Тағанұлы дін қызметкерлеріне Бағдарлық баяндамасын жолдап, 2025 жылды «Ислам және отбасы құндылығы» жылы деп жариялады. Бұл – еліміздің рухани өміріндегі маңызды бастама. Ислам дінінде отбасы бірлігіне айырықша маңыз берген. Отбасы- исламда баға жетпес құндылықтар ретінде әспеттеледі.
Қоғам отбасыдан басталатындығын ардақты Пайғамбарымыз (Оған Алланың игілігі мен сәлемі болсын) жете түсініп, тұтас қоғамды таза ұстаудың бірден-бір кепілі – отбасы тәрбиесі мен жанұя құндылықтарында екендігіне маңыз берген. Осы орайда Алатау ауданы «Әл-Ләтиф» мешітінің бас имамы Қанатәлі Бақытұлы «Әл-Фараби» атындағы Қазақ ұлттық университетінің «Дінтану және мәдениеттану» кафедрасының аға оқытушылары және студенттерімен «Ислам және отбасы құндылықтары» тақырыбында дөңгелек столға қатысты.
Қанатали Бақытұлы игі, әрі маңызды шарада өзекті мәселелерді қамтыды. Атап айтсақ, Ажырасудың басты себептері мен оның көбею аспектілері, Бала тәрбиесіндегі болып жатқан олқылықтар, әлеуметтік желілердің ықпалы және т. б тақырыптарға тоқталып, студенттердің өз пікірлерін тыңдап, сұрақтарына жауап берді. Сондай-ақ, «Ислам және отбасы құндылығы» жылы – тек діни бастама ғана емес, қоғамды біріктіруге арналған үлкен рухани қозғалыс екенін және отбасының нығаюы – қоғамның тұрақтылығы мен мемлекеттің болашағына тікелей әсер етеді,- деп сөзін қорытындылады.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
