ОТБАСЫЛЫҚ ӨМІРГЕ ДАЙЫНДЫҚ СЕМИНАРЫ ӨТТІ
ҚМДБ «Әйел-қыздар» секторы Алматы өкілдігі Алатау ауданы «Әл-Азим» мешітінің ұйымдастыруымен 70-тен аса бойжеткен қыздарға арналған семинар өтті.
Шараның негізгі мақсаты – қыздардың отбасылық өмірге дайындығын арттыру, болашақ жар таңдаудағы маңызды қағидаларды түсіндіру және Исламдағы отбасының рөлін ұғындыру болды. Шараға отбасылық эксперт, «Дайындықсыз үйленбе» кітабының авторы Ақан Мергембай мырза қатысып, маңызды тақырыптар бойынша өз кеңестерімен бөлісті.
Семинар «Әл-Азим» мешітінде наиб имам Қалыкул Аманжол имамның Құран оқып, сөз сөйлеуімен басталды. Ақан мырза бойжеткен қыздарға отбасы құрудың негізгі кезеңдері туралы айтып, әр кезеңі туралы кеңінен тарқатты. Өзара түсіністік пен жауапкершіліктің маңызы туралы жан-жақты баяндады. Шара барысында қатысушылар тұрмыс құру, отбасылық өмір туралы өздерін толғандырған сауалдарын қойды. Ақан мырза қойылған сауалдарға асыл дініміз ислам негіздеріне сүйене отырып жауап беріп, пайдалы кеңестермен бөлісті.
Семинар соңында бойжеткен қыздарға арнайы сауалнама беріліп, кері байланыс жасалды. Сонымен қатар, қатысушылар мен қонақтарға арнайы дастархан жайылып, ас берілді.
Алматы өкілдігі баспасөз қызметі
.png)
Тақырып бойынша жаңалықтар
Қызықты тақырыптар
Намаз уақыттары 
