«АЛЛАНЫҢ 99 КӨРКЕМ ЕСІМІ» РУХАНИ КЕШ ӨТТІ
ҚМДБ «Әйел-қыздар» секторы Алматы қаласы бойынша өкілдігі «Д.Қонаев» мешітінің ұйымдастыруымен «Алланың 99 көркем есімі» атты рухани жарыс өтті.
Шәкірттер «Дін мен дәстүр» орталығында өткен іс-шарада Алланың 99 көркем есімі бойынша білімдерін арттыру мақсатында сайысқа түсті. Қатысушылар үш топқа бөлінді. Бірінші топ - «Яқин» тобының, екінші - «Кәусар» тобының, үшінші топ - «Райян» тобының мүшелері әр кезең сайын бір-бірінен басымдылық танытып, берілген сұрақтар мен арнайы тапсырмаларға тиянақты жауап берді. Жарысқа қазылар алқасы ретінде Алатау ауданы, «Бекет-Ата» мешітінің ұстазы Меруерт Әзімбайқызы, «Абай Құнанбайұлы» мешітінің ұстазы Аягөз Болатбекқызы, «Д.Қонаев» мешітінің ұстазы Ғалия Әділханқызы әділ төрелік етті. Жарыс өте тартысты әрі мазмұнды өтті. Кештің қонағы ҚМДБ «Әйел-қыздар» секторы Алматы қаласы бойынша жауапты маманы, Алматы Орталық мешітінің ұстазы Гүлмира Ілесбайқызы қатысушыларға құттықтау сөз сөйлеп, сыйлықтармен марапаттады.
Алматы өкілдігі баспасөз хатшысы
Тақырып бойынша жаңалықтар
Қызықты тақырыптар
Намаз уақыттары 
