«KORKEM SOZ» ОҚЫРМАНДАР ҮЙІРМЕСІ ҚҰРЫЛДЫ
Нұр-Мүбарак мешітінде Алматы өкілдігі бекіткен жылдық жоспармен «Бір айда бір кітап оқы» жобасы аясында мешіт жанынан жамағатқа арналған оқырмандар клубы отырысы ерекше мазмұнды әрі тағылымды өтті.
Бұл жиынның қадірлі қонағы – Нұр-Мүбарак университетінің аға оқытушысы, PhD докторант Жұматаев Әбілхайыр Мәдиұлы болды.
Кездесу барысында Әбілхайыр ұстаз “Complete” жобасындағы CCED модель негізіндегі кітап оқуғадағы күтілетін 10 әдетпен бөлісті. Жамағатқа пайдалы ақпараттар ұсынып, терең білім мен даналыққа негізделген ойларымен бөлісті. Оның сөздері тыңдаушылардың жүректеріне жол тауып, имани нәр беріп, ой салды. Жамағат көкейдегі сұрақтарын қойып, рухани сұхбат құру мүмкіндігіне ие болды.
Кеш соңында жамағат «Muftyat» баспасының кітаптары мен шариғат ілімдері, аясындағы һәм қазақ әдеби шығармаларын оқу және талқылауға дағдыласты.
Осындай ілім мен ізгілікке толы кездесулер мұсылман қауымының білімге деген құлшынысын арттырып, жүректерді нұрландыра түсетіні сөзсіз. Алдағы уақытта да «Korkem soz» клубының осындай мәні терең басқосулары жалғасын табатын болады.
Тақырып бойынша жаңалықтар
Қызықты тақырыптар
Намаз уақыттары 
