НАШАҚОРЛЫҚҚА ҚАРСЫ ЖАСТАРМЕН КЕЗДЕСУ ӨТТІ
Есірткіге қарсы күрес қоғамымыздың маңызды мәселелерінің бірі болып табылады. Осы бағытта жастар арасында салауатты өмір салтын насихаттау және нашақорлықтың зияны туралы ақпарат беру мақсатында Алматы қаласы, Алатау ауданы мешіттерінің ұйымдастыруымен «Дархан» мешітінде мазмұнды кездесу болып өтті. Іс-шараға РАНТ және ЖАНТ мүшелері, медицина мамандары, құқық қорғау органдары қызметкерлері және қоғам белсенділері қатысты.
Кездесу барысында Дәрігер, ҚР ДСМ ұлттық фтизиопульмонология орталығының маманы Бектурсинов Бақытжан Умиргалиевич нашақорлықтың денсаулыққа, психикаға және қоғамға тигізетін зиянын жан-жақты айтып берді. Алатау ауданы, ПБ ЖПҚБ Учаскелік полиция инспекторы, полиция майоры Изтлеуов Қайрат Қыдырымбетұлы нашақорлықтың зардабын заң аясында түсіндірді. РАНТ мүшесі Ахметов Қазбек имам есірткі заттарының өмірге орны толмас зиян тигізетінін, сондай-ақ қоршаған ортаға әлеуметтік және экономикалық тұрғыда кері әсерге ұшырататынын атап өтті.
Шараны ұйымдастырушы Дархан мешітінің Бас имамы, ЖАНТ мүшесі Айдос Шарапатбекұлы: «есірткіге қарсы күрес тек мемлекеттік органдардың ғана емес, әрбір азаматтың ортақ міндеті екенін ұмытпағанымыз жөн»- деп, шараға қатысушы жастарға ортақ міндеттерін түсіндірді.
Бұл кездесу жастарға есірткіге қарсы тұрудың маңыздылығын түсіндіріп, оларды салауатты өмір салтын таңдауға ынталандырды. Мұндай шаралар жастар арасында зиянды әдеттерге жол бермеудің тиімді құралы болып табылады.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
