«ИМАНИ ЖАЗ-2025»: «ДҰҒАМ ҚАБЫЛ БОЛСЫН» БАЛАЛАР АРАСЫНДА САЙЫС ӨТТІ

Бостандық ауданы «Нұр-Мүбарак» мешітінде «Имани жаз» жазғы сауат ашу курсы аясында балалар үшін есте қаларлық ерекше іс-шара өтті. Шараның тақырыбы – «Дұғам қабыл болсын» деп аталды.
Бұл күні балалар өздерінің осы уақытқа дейін үйренген дұғалары мен ізгі баталарын жүрекпен оқып, сахна төрінде үлкен сеніммен жеткізді. Шара аясында түрлі рухани қойылымдар қойылып, әр баланың таланты мен имани тәрбиесі көрініс тапты. Қойылымдарда ата-анаға құрмет, мұғалімге ризашылық, бауырмашылық, сабыр мен шүкіршілік секілді асыл қасиеттер көркем бейнеленді.
Бұл күн – балалардың имани дүниетанымын кеңейтіп, жүректеріне сенім мен үміт ұялатқан шынайы рухани мереке болды. «Имани жаз» – жас жүректерге иман дәнін еккен, тәрбиесі терең, тағылымы мол курстың тағы бір жарқын сәті болды.
\