«ҚҰМАР ОЙЫНҒА ҚАРСЫМЫЗ» ТӘРБИЕЛІК ІС-ШАРА ӨТТІ
«Нұр-Мүбарак» оқу-әдістемелік мешітінде жамағат пен жастарға арналған «Құмар ойынға қарсымыз» атты тәрбиелік мәні зор іс-шара өткізілді.
Шара барысында құмар ойынның шариғаттағы үкімі, адам өміріне тигізер зардабы мен рухани, материалдық тұрғыда қандай опық жегізетіні кеңінен түсіндірілді. Мешіт имамы Жалғас Жақсыбекұлы құмар ойынның тек харам екендігін ғана емес, сонымен қатар ол адамның отбасына, психологиясына, қоғамдағы абыройына және рухани дүниесіне қаншалықты зиян келтіретінін нақты мысалдар арқылы айтып өтті.
Сондай-ақ, қазіргі кезде кең таралған құмар ойын түрлері — букмекерлік кеңселер, онлайн ойындар, казинолар мен түрлі ойын автоматтары, тіпті кейбір мобильді қосымшалардағы жасырын лотереялар сияқты заманауи пішіндері де атап көрсетілді. Бұл ойындардың жастарды қалай алдап, біртіндеп тәуелділікке, қарызға, ар-намыстан айырылуға итермелейтіні туралы ескертілді.
Шара соңында қатысушыларға арнайы үндеу жасалып, әр мұсылман баласының өз отбасын, ағайын-туысын, дос-жарандарын бұл індеттен қорғауға атсалысуы — иман мен жауапкершіліктің белгісі екені айтылды.
Қызықты тақырыптар
Намаз уақыттары 
.jpg)
.jpg)
.jpg)
.jpg)
