«САДАҚ АТУ - СҮННЕТІМ» СПОРТТЫҚ САЙЫС ӨТТІ
Алматы қаласы Медеу ауданы бойынша «Әйел-қыздар» секторы ұйымдастыруымен «Садақ ату - сүннетім» атты мешіт шәкірттері арасында садақ атудан жарыс өтті.
Жарысқа Медеу ауданы мешіттерінен 20 шәкірттен құралған 4 топ қатысты. «Омар ибн әл-Хаттаб» мешітінің наиб имамы Асқар Елемесұлы және «Исмихан» мешітінің бас имамы Ернат Қабылбекұлы алғысөз сөйлеп шымылдығын ашты.
Бұл сайыста қатысушылар мергендігімен қатар өнерлерін де ортаға салып, сайыс арасында Ибраева Қарлығаш Абайдың «Сегізаяқ» әнін, Дәлел Сәулеш апай халық әні «Алқоңыр» және Ақан серінің «Ләйлім шырақ» әндерін қазақтың ұлттық аспабы домбырамен шырқады. Қазақи дастархан жайылып, сусынға қымыз құйылды.
Сайысқа қатысушылар жүлделі орындармен марапатталып, әр қатысушыға қомақты сыйлықтар берілді. Қанағаттандыру сыйлықтары үлестіріліп, әрбір қатысушыға алғыс хат табысталды. Сайысқа қатысушы шәкірттердің ұстаздарына да сыйлық берілді. Қазақ дәстүрімен ұштасқан сүннетті жаңғырту садақ ату жарысы көптің көңілінен шықты.
Қызықты тақырыптар
Намаз уақыттары 
.jpg)
.jpg)
.jpg)
.jpg)
